දොඩංදූව බලපිටිය ධීවර වරායෙන් ගිය වල්ලම් 12න් හතරක් නැවත පැමිණ නැතැයි ද, එක වල්ලමක සාමාන්‍යයෙන් ධීවරයන් අට දෙනකු මුහුදු යන බව ද ගැමියෝ කියති.

බලපිටිය මෝදරින් ගිය බෝට්ටු රැසක් ද මෙතෙක් පැමිණ නැතැයි කියති. ඒවායේ සිටි 15 දෙනකු පමණ විවිධ ක්‍රමවලින් ගොඩබිමට පැමිණ ඇතැයි ද ධීවරයෝ පවසති.

බේරුවලින් මුහුදු ගිය ධිවරයකුගේ සිරුරක් අද උදෑසන ඉඳුරුවට ගොඩ ගසා තිබූ බව කොස්ගොඩ පොලිසිය කියයි.

ගොඩට ආ ධීවරයන් පැවසුවේ ගොඩ බිම සොයා ගත නොහැකිව බොහෝ දෙනෙක් අතරමං වූ බවයි. වෙරළ තීරයේ විදුලිය විසන්ධි වීම නිසා එළියක් නොපෙනීම ඊට හේතුව බවත් ඔවුහු කීහ.

මසුන් මැරීමට ගිය තම ඥාතීහු එන තෙක් තවමත් ගැමියෝ වෙරළට වී සිටිති.