මැගසින් බන්ධනාගාරයේ දෙපිරිසක් ගැටී පහකට තුවාල

(බිමල් ශ්‍යාමන් ජයසිංහ)

බොරැල්ල මැගසින් බන්ධනාගාරයේ රැඳවියන් කීප දෙනකු අතර  ඇතිවූ ගැටුමකින් පස් දෙනකු තුවාල ලබා ඇතැයි බන්ධනාගාර ආරංචි මාර්ග සඳහන් කරයි.

තුවාල ලැබූවන් බන්ධනාගාර රෝහලේ සහ කොළඹ ජාතික රෝහලේ ප්‍රතිකාර ලබයි.

මැගසින් බන්ධනාගාරයේ රඳවා සිටින රැඳවියන්  අතර මෙම ගැටුම හටගෙන ඇති අතර තුවාල ලැබූ පස්දෙනා ප්‍රතිකාර සඳහා වැලිකඩ බන්ධනාගාර රෝහලට ඇතුළත් කිරීමෙන් අනතුරුව එයන් දෙදෙනකු වැඩිදුර ප්‍රතිකාර සඳහා කොළඹ ජාතික රෝහලේ 72 වාට්ටුව වෙත ඇතුලත් කර ඇත.

ජාතික රෝහල වෙත ඇතුළත් කළ පුද්ගලයන් දෙදෙනා ප්‍රභාත් ධනුෂ්ක සහ අබ්දුල් හසිශ් යන දෙදෙනා බව රෝහල් ප්‍රකාශකයෙක් පැවසීය.

ගැටුමට හේතුව මත්ද්‍රව්‍යය ආරවුලක් බව බන්ධනාගාර ආරංචි මාර්ග සඳහන් කරයි.