මුහම්මද් නබි තුමාණන්ගේ ජන්ම දිනය අදයි

(මොහොමඩ් ආසික්)

ලොව පුරා ජීවත් වන කෝටි සංඛ්‍යාත මුස්ලිම් ජනතාව පිළිපදිනු ලබන ඉස්ලාම් ධර්මය මෙලොව පරිපූර්ණ කර දුන් මුහම්මද් නබි තුමන්ගේ ජන්ම දිනය අදට (28) යෙදී තිබේ.

විවිධ කාලවල පැවැති සමාජයන් යහමඟට ගැනීම සඳහා දෙවියන් වහන්සේ විසින් වක්තෘවරුන් එක් ලක්ෂ විසි හතර දහසක් (1,24,000) මෙලොවට එව් බව ශුද්ධ වු අල් කුර්ආනයේ සඳහන් වෙයි. එලෙස පැමිණි වක්තෘවරුන් එක් ලක්ෂ විසි හතර දහසක් ( 1,24,000) අතුරින් විසි පස් දෙනෙකුගේ නම් ශුද්ධ වූ කුරාණයේ ද සඳහන් වෙයි.

මුහම්මද නබි තුමාණන් මෙලොව එළිය දකින්නේ ක්‍රිස්තු වර්ෂ 570 වසරේදී වත්මන් සෞදි අරාබියේ මක්කා නගරයේදීය. එතුමා ඉපදෙන විට පියා මිය ගොස් සිටි අතර කුඩා කාලයේදීම මවද මිය ගියාය.

එතුමන්ගේ හතළිස් වන වියේ දී දේව දූතයන් මගින් ඉස්ලාම් දහම එතුමන්ට දෙවියන් වහන්සේ විසින් පහළ කරනු ලැබු අතර එය වසර 23 ක් පුරා කොටසින් කොටස පරිපූර්ණ කරනු ලැබීය.

ජාත්‍යන්තර දත්ත අනුව 2020 වසරේ ඇස්තමේන්තු ගත ලෝක ජනගහණය අනුව ලොව ජනගහණයෙන් දෙවැනි ස්ථානය ඉස්ලාම් ධර්මයට හිමිව තිබේ. එම ප්‍රමාණය ලොව ජනගහණයෙන් කෝටි 191 ක් ( බිලියන 1.91 ක්) වෙයි. වන අතර එය මුළු ජනගරණයෙන් සියයට 24.9 ක් වෙයි.

ඉස්ලාම් ධර්මය ලොව පුරා ශාන්තිය සහ සාමය ඇති කිරීම සඳහා වෙහෙසුන සහ වෙහෙසෙන දහමකිඑවන් උතුම් වූ වක්තෘවරයෙකුගේ ජන්ම දිනය යෙදී ඇති අද දිනයේ ලෝක වාසි සියලු දෙනාට ශාන්තිය හා සමාදානය ප්‍රාර්ථනා කරමු.