මහින්දගේ නම විකිණු දෙන්නෙක් සිරගෙට

මහින්ද රාජපක්ෂ හිටපු ජනපතිගේ නම විකුණා සයිප්‍රසයේ රැකියා ලබා දිය හැකි බව පවසා පුද්ගලයකුගේ රුපියල් එක් ලක්ෂ පනස් දහසක මුදල් වංචා කළ හිටපු යුද හමුදා රියදුරෙකුට හා කාන්තාවකට මාලිගාකන්ද ප්‍රධාන මහේස්ත්‍රාත් ප්‍රසන්න අල්විස් මහතා අද(10) වසර දෙකක සිරදඩුවම් නියම කළේය.

මෙලෙස සිර දඩුවම් නියම වූයේ ජනාධිපති ආරක්ෂක අංශයේ හිටපු යුද හමුදා රියදුරෙකු බව කියන නිට්ටඹුවේ පදිංචි කළුවාගේ චන්ද්‍රතිලකට සහ තංගල්ලේ පදිංචි සුරංගි ද සිල්වාටය.

2010 වසරේ දී සැකකරු මෙම කාන්තාව හදුනාගෙන ඇති බවත් රාජපක්ෂ මහතාගේ මාර්ගයෙන් පිරිසට රැකියා ලබා දිය හැකි බවට පවසා ඇය ලවා විවිධ පුද්ගලයින් රවටා ඇති බවත් පැමිණිල්ලේ දැක්වේ.

2010 සැප්තැම්බර් 02 වැනි දින හෝ ඊට ආසන්න දිනයක මෙම සැකකරු සහ සැකකාරිය සයිප්‍රස් රැකියාවක් දිය හැකි බව පවසා රාගම රොෂාන් ජයශාන්තගෙන් රුපියල් 150,000 ක් ලබාගෙන ඇති අතර ඒ මුදල් ලබාගැනීමට පැමිණ ඇත්තේ ජනාධිපති ආරක්ෂක අංශයට අයත් ඩිෆෙන්ඩර් රථයකින් බවත් උසාවියේදී හෙළිවිය.

අදහස් (0)

මහින්දගේ නම විකිණු දෙන්නෙක් සිරගෙට

ස්මිත් Monday, 10 October 2016 02:24 PM

පුදුමයි මේක රාජපක්ෂලාගේ ගිණුමටම බැර කළේ නැතුවා. එෆ්සීඅයිඩිය මේක දැනගෙන ඉඳල නැද්ද? හිරේදී හරි කට උත්තරයක් ගන්න රාජපක්ෂ කෙනෙක් ගාවලා. (බ)

: 0 0

චන්දන Monday, 10 October 2016 05:05 PM

මේ වගේ දේවල් වෙන්න ඒ දවස්වල අවකාශ තිබුනා ඕනෑතරම්. ලොකු අය වැරදි කරනවා දකිනවිට එයාලගේ ගෝලයෝ නිකම්ම පෙළඹෙනවා මේ දේවල් වලට. (නි)

: 0 0

නන්දලාල් ද සිල්වා-ප්‍රංශය Monday, 10 October 2016 05:08 PM

මේකත් මහින්ද පුම්බන්න, ජනප්‍රිය කරන්න ඇදපු උගුලක් වෙන්න බැරිද? ජනප්‍රියත්වය බින්දුවට බැහැලා, යන එන මං නැතිවී සිටින සමහර අය තමන්ගේ හෙන්චයියලා ලවා ඔයවගේ වැඩ කරනවා. (නි)

: 0 0

චතුරි Monday, 10 October 2016 09:46 PM

පුදුම වැඩේ කියන්නේ හොරවැඩ කොතනද, මේ නම එතන (නි)

: 0 0

බමුණු ආරච්චි Tuesday, 11 October 2016 12:28 AM

මේවට අසුවෙලා මුදල් දෙන්නේ හිරම මෝඩ මිනිස්සු (නි)

: 0 0

රෙක්ස් Tuesday, 11 October 2016 01:36 AM

පුදුමවෙන්න දෙයක් නැහැ. රාජපක්ෂලා ළඟ වැඩකරපු මිනිස්සුනේ. ඉහළින් ආදර්ශ ලබාගන්න ඇති. (නි)

: 0 0

සජී Tuesday, 11 October 2016 02:39 AM

අනේ රෙක්ස්, එතකොට යහපාලනයේ හොරු ඇත්තෙම නැද්ද? (නි)

: 0 0