2025 අගෝස්තු මස 08 වන සිකුරාදා
2025 අගෝස්තු මස 08 වන සිකුරාදා
(විමුක්ති එස් රුද්‍රිගු)
අසත්‍ය ප්‍රචාරවලට රැවටී ඇතැම් දේශපාලනඥයන් සහ මන්ත්‍රීවරුන් තම මසික වැටුප ගැන විවිධ අසත්‍ය ප්‍රකාශ කළත් තමාගේ වැටුප මසකට ලක්ෂ 4 ක් බව මහ බැංකු අධිපති ආචාර්ය පී.නන්දලාල් වීරසිංහ මහතා අද(24) පැවති මාධ්‍ය හමුවේදී ප්‍රකාශ කළේය.
රටේ වගකිව යුතු දේශපාලනඥයන් සහ මන්ත්‍රීවරුන් අසත්‍ය ප්‍රචාරවලට රැවටී ඒවා සත්‍ය ලෙස ප්‍රචාරය කිරීම පිළිබඳ තමන් කණගාටුවට පත් වන බවත් තමන් ජාත්‍යන්තර මූල්‍ය අරමුදලෙන් විශ්‍රාම වැටුපක් ලබා නොගන්නා බවත් ඔහු පැවසුවේය.
තමන්ට පෙර සිටි මහ බැංකු අධිපතිවරයා ඔහු ධුරයට පත්වන විට ලක්ෂ 1.5 කට තිබූ මහ බැංකු අධිපතිවරයෙකුගේ මාසික වැටුප රුපියල් ලක්ෂ 4 දක්වා වැඩිකර ගත් බවත් කැබිනට් මණ්ඩලයේ තනතුරක තත්ත්වයට ධුරය උසස් කරගෙන බදු ගෙවන්නන්ගේ සහ භාණ්ඩාගාරයේ මුදල්වලින් වෙනමම කාර්ය මණ්ඩලයක් සහ ආරක්ෂකයන් පත් කරගත් බවත් නන්දලාල් මහතා පෙන්වා දුන්නේය.
තමන්ට එවැනි ආරක්ෂාවක් අවශ්‍ය නොවන බවත් තමන් ලබා ගන්නේ හිමි වැටුප, නිල නිවස සහ වාහනය පමණක් බවත් තමන් මහ බැංකු අධිපති ධුරයෙන් ඉවත් වූ පසු විශ්‍රාම වැටුපක් ලබා ගැනීමට බලාපොරොත්තු නොවන බවත් සාමාන්‍යයෙන් රජයේ සේවකයකු වසර 10 ක කාලයක් සේවයේ නියුතු වූ පසුව පමණක් විශ්‍රාම වැටුපකට හිමිකම් කියන බවත් නන්දලාල් මහතා ප්‍රකාශ කළේය.
තමන්ට පෙර සිටි මහබැංකු අධිපති වරයාට ශ්රී ලංකාවේ ආර්ථිකයට සිදු වූ දෙය පිළිබඳ අවබෝධයක් තිබුණාද නැද්ද පිළිබඳ තමන්ට විශ්වාසයක් නොමැති මුත් ආරක්ෂාව පිළිබඳ හොඳ අවබෝධයක් තිබී ඇති බව නන්දලාල් මහතා ප්‍රකාශ කළේය.
2025 අගෝස්තු මස 06
265
0
ශ්රී ලංකාවේ දේපල වෙළෙඳාම් ක්ෂේත්‍රයේ ප්‍රමුඛයා බව නැවත නැවතත් තහවුරු කරමින් Home Lands ආයතනය 2025 ජුනි මාසයේදී Apartment units 104ක්, රු.බිලියන 7.4 විකිණුම් ආදායමක් සටහන් ක
2025 ජුලි මස 28
291
0
දේශයේ රක්ෂකයා ශ්රී ලංකා ඉන්ෂුවරන්ස් ලයිෆ් (SLICLL) වසර ගණනාවක් පුරා රටේ අනාගත පරපුරේ අභිවෘද්ධියට විශාල වශයෙන් දායක වී ඇත. ශ්රී ලංකා ඉන්ෂුවරන්ස් ලයිෆ්
2025 ජුලි මස 24
464
0
මානසික සෞඛ්යය පිළිබඳව සහය සලසන මානසික සෞඛ්‍ය උපකාරක සේවා දුරකථන අංකය 1333 ගැන ජනතාව තුළ වැඩි දැනුවත් භාවයක් ඇති කිරීම වෙනුවෙන් ක්‍ක්‍ක්‍ පදනම (CCC Foundation) වි
මහ බැංකු අධිපති වැටුප ගැන කියයි
sisira Thursday, 24 November 2022 06:37 PM
බැංකු අධිපතිවරයෙකුගේ මාසික වැටුප හෙළිකර තිබේ. ඒ ආකාරයෙන්ම රටේ සියලු රාජ්‍ය ආයතන අර්ද රජ ආයතන තුල සිටිනා සියලු විධායක ශ්‍රේණියේ වැටුප් මහජනත්වට දැනගැනීමට අවස්තවක් ලබා දෙන්න.
nirpakshikaFriday, 25 November 2022 06:05 AM
ඕනෑම කෙනෙකුට 2006/06 සහ 2016/06 (මතක හැටියට) චක්‍රලේඛ ගත්තම ඕනෑම රජයේ සේවකයෙකු ගේ වැටුප බලන්න පුළුවනි . මේ චක්‍රලේඛ රාජ්‍ය පරිපාලන අමාත්‍යංශයේ වෙබ් අඩවියේ තියෙනවා
ravin Thursday, 24 November 2022 06:52 PM
තමන්ගේ ලොව පිළිගත් දැනුම හා උගත්කම කෙරෙහි විශ්වාසය ඇති ඕනම කෙනෙක් නූගත් දේශපාලුවන් කියන කරන දේවල් ගැන තඹයකට තැකීමක් නොකළ යුතුයි.
JagathFriday, 25 November 2022 08:05 AM
එවන් අදහස් වලට රැවටී ඊලඟට වන්නේ මහ බැංකුව විසින් ආර්ථිකය ස්ථායී කිරීමට ගන්නා තීරණ මිනිසුන් ජාත්‍යන්තර කුමන්‍ත්‍රන වශයෙන් දැක නැවත රටම වියවුලක් වුවහොත් නන්දලාල් මහතාගේ ගේද ගිනිගැනීමට ලක් වීමයි. මෙම ලිපියේ දැක්වෙන අදහස් බොහොමයක් විමල් වීරවංශ නම් අවස්ථාවාදී දේශපාලුවා විසින් කරන ලද ප්‍රකාශ වේ .උත්තර සභාගය නම් මෝඩ මිනිසුන්ගේ ඔලු කන රැස්වීම් වල විමල් වීරවංශ විසින් දක්වන ලද අදහස් වේ. ඔහුට අනුව නන්දලාල් විසින් ලංකාවේ ව්‍යාපාර විනාශ කිරීමේ ජාත්‍යන්තර කොන්ත්‍රාත්තුවක් භාරගෙන ඇති බැවින් මහ බැංකු පොලී අනුපාතය ඉහල අගයක (~30%) තබාගෙන සිටී මෙවන් දෑ විශ්වාස කරන විශාල අඥානයින් පිරිසක් ශ්රී ලංකා සමාජය තුල සිටී
Rec8 Thursday, 24 November 2022 09:53 PM
නියමයි සර්
Bamunuarachchi Friday, 25 November 2022 07:02 AM
බොහොම හොඳයි තමන් ගැන කාලකන්නින් මවන දුර්මත ඉවත් කිරීම ගැන. හැම කෙනාටම එහෙම කරන්න බැහැ. නිශ්ශබ්දව සිටීම වරද පිළිගැනීමක් බව වරක් විනිසුරුවෙක් හා ආතර් සී ක්ලාක් මහතාත් ප්‍රකාෂකලා.