(ජේ.ඉඳුරුවගේ)

මෙවර මහ මැතිවරණයේ ආරක්ෂාව සඳහා සෘජුව හා වක්‍ර වශයෙන්  ආරක්ෂක නිලධාරීන් 90,000 ක් යොදවන බව පොලිස් මාධ්‍ය ප්‍රකාශක , නියෝජ්‍ය පොලිස්පති නීතිඥ නිහාල් තල්දූව මහතා පවසයි.

මෙම පිරිසට  සෘජුවම යොදවන   පොලිස් නිලධාරීන් 63,145 ක් ,විශේෂ කාර්ය බලකා නිලධාරීන් 3200 ක් ,    අවශ්‍යතාව අනුව  පොලිස් නිලධාරීන් ඉවත් කෙරෙන ස්ථානවල ආරක්ෂාව  සඳහා යොදන යුධහමුදා ඇතුළු ත්‍රිවිධ හමුදා නිලධාරින් 11,000 ක් සහ ජංගම මුර සංචාර සඳහා යොදවන  සිවිල් ආරක්ෂක නිලධාරීන් 12,227 ක් ඇතුළත් වන බව නිහාල් තල්දූව මහතා පැවසීය .

එමෙන්ම  ජංගම මුර සංචාර 3109 ක් හා  මැතිවරණයෙන් පසු ආරක්ෂාව සඳහා  දිවයින පුරා මාර්ග බාධක 269 ක් හා  කැරලි මර්දන කණ්ඩායම් 241 ක් යෙදවීමටද සූදානම් කර ඇතැයිද ඒ මහතා පැවසීය.