(විමුක්ති එස් රුද්‍රිගු)

මුහුද යට වරකට මාසයකට ආසන්න කාලයක් ජීවත් විය හැකි නැවතුම්පොළක් ඉදිකිරීමට ඩීප් පර්යේෂණාගාරයේ විද්‍යාඥයන් පිරිසක් සැලසුම් කර ඇත.වේල්සයේ මුහුදු වෙරළ ආසන්නයේ මුහුදු මට්ටමේ සිට අඩි 660 ක් පහළින් මෙම නැවතුම්පොළ ඉදිකිරිමට තීරණය කර තිබේ.
මුහුදේ ඉර එළිය වැටෙන කලාපයේ සිටින සියයට 90 ක් මුහුදු ජීවින් අධ්‍යනය කිරීම සඳහා පර්යේෂකයන්ට මෙම නවාතැන්පොළ  යොදා ගැනීමට හැකියාව තිබෙන බව විද්‍යාඥයන් පිරිස පෙන්වා දී ඇත.මතුපිටට පැමිණීමකින් තොරව පර්යේෂකයන්ට මෙම නවාතැන්පොළ තුළ වරකට දවස් 28 ක් ජීවත් විය හැකි බව ඩීප් සමාගම පවසා තිබේ.
ඩීප් යනු සාගරය තුළ භාවිත කළ හැකි තාක්ෂණය පිළිබඳ  පර්යේෂණයන් සහ ගවේෂණයන් සිදු කරන සමාගමකි.මුහුද මතුපිට සිට ජීවින් අධ්‍යනය කරනවාට වඩා එම මුහුදු ජීවින් සමඟ ජීවත් වෙමින් අධ්‍යනයන් සිදු කිරීම මගින් මෙතෙක් පර්යේෂණ සිදුකළ ආකාරයේ වෙනසක් සිදු වනු ඇතැයි ඩීප් සමාගම පෙන්වා දී ඇත.
මෙම නවාතැන්පොළ 2027 වසර වනවිට ඉදිකර අවසන් කිරීමට බලාපොරොත්තු වන බව ඩීප් සමාගම පවසා තිබේ.