සිර ගෙදරදි ඉපදී වයස අවුරුදු 18 වන තෙක් එහිම හිඳ වයස අවුරුදු 18 දී සිරෙන් නිදහස් වී පසුව සිරගතව සිටි තම මව බේරාගත් පුතෙක් ගැන ඉන්දියාවෙන් වාර්තා වෙයි.

ලෝකය පුරා ජනමාධ්‍යවල මේ කතාව හැඟීම් දනවන මානුෂීය කථාවක් සේ පැතිරෙයි.

ඉන්දියාවේ කාන්පුර්හි විජායි කුමාරි මිනීමැරුමට සැක පිට රිමාන්ඩ් බන්ධනාගාර ගත වන විට ගැබිණියක්ව සිටියාය.

පසුව ඇය සිරගෙදරදීම පුතකු ප්‍රසූත කළ අතර දෙදෙනාම සිටියේ සිර ගෙදරය. ඒ ඇප මුදල් ගෙවා ගත නොහැකි වීම නිසාය.

පසු කලෙක ඇගේ සැමියා ද ඇය අතහැර දැමුවේය.

වයස අවුරුදු 11 වන තෙක් තම මව සමග සිරගෙදර සිටි පුතා පසුව ලන්නම් බන්ධනාගාරයට මාරු කළ අතර වයස අවුරුදු 18 වන තෙක් එහි සිට පසුව නිදහස් විය.

සිරෙන් නිදහස් වූ මේ පුතා ඇඟළුම් කම්හලක සේවය කොට උපයා ගත් මුදල් රැගෙන අලහබාද් මහාධිකරණය වෙත ගොස් තම මව ඇප මත නිදහස් කරන ලෙස ඉල්ලා සිටියේය.

උසාවි නියෝගය ගැනීමෙන් පසු කහපාට සාරියක් මිලයට ගත් ඔහු එයත් රැගෙන බන්ධනාගාරයට ගියේ තම මව සිරෙන් නිදහස් කර ගැනීමට.

පුංචි අවදියේදී තම දරුවා වෙන් වූ නිසා අයට තම පුතාගේ මුහුණුවර අමතකවී තිබිණි.

පසුව ඇය තම පුතා හදුනාගෙන ඔහු බදාගෙන හැඬුවාය.

දැන් මේ පුතා කන්නියා සහ ඔහුගේ මව විජායි කුමාරි එකම ‍ගෙදරක වසති. ඒ අතීතය අමතක කරමිනි.