පදවි ප්‍රාප්තිය නිමිත්තෙන් කරපු උත්සවේ චාම්ව සහ අඩු වියදමකින් කරන්න කියල රටේ ලොකු මහත්තය තදින්ම උපදෙස් දුන්නලු. 

මේකෙ වේදිකා හදල සංවිධානෙ කරන්න මුලින් ඉදිරිපත් වුණ ලක්ෂ හැට ගණනක ඇස්තමේන්තුව හුඟක් වැඩිය කියල උන්නැහේ ඒක තවත් සෑහෙන්න අඩුකරන්න තමන්ගෙ නිලධාරීන්ට වැඩිදුරටත් උපදෙස් දුන්න කියලයි කියැවෙන්නෙ. ඊට පස්සෙ මේ කටයුත්ත අලංකාර විදියට සිද්ධ වුණා. ඒත් බලාපොරොත්තු වුණ ආරාධිතයන්ගෙ පැමිණීම නම් සාර්ථක වුණේ නැහැ කියල ආරංචියි.

කොහොමහරි මේ අඩු වියදමින් කරන්න තිබුණු උත්සවේට ගිය වියහියදම් ඇතුළත් බිල්පත ඊට දවස් දෙකතුනකට පස්සෙ රටේ ඉහළම කන්තෝරැවක ලොක්කෙක් අතට ලැබුණලු. ලක්ෂ හැටක් වැඩී ඊට අඩුවෙන් කරන්න කියාපු උත්සවේට ලක්ෂ එකසිය පනහකටත් වැඩිය ගියයි කියලලු. බිලේ තියෙන්නෙ.. මේ බිල දැකල අන්දමන්ද වුණ බිල් අනුමත කරන බලධාරියො ඒක ගෙවීම වහාම නැවැත්තුවලු.. ලොකු මහත්තයට කිව්වම එයත් පුදුම වුණාලු..

දැන් මේ හුටපටේ ගැන ඉහළම මට්ටමේ පරීක්ෂණයක් තියන්න කිව්ව කියල දැනගන්න තියනව. මේකට වගකිවයුතු අය කව්ද කියන එක ගැනත් ඉහළින් වාර්තාවක් ගත්තලු. ත්‍රිවිධ හමුදාව කරපුවටත් මේ බිල්කාරය බිල් දාලා කියලයි ආරංචි.