(හිරාන් ප්‍රියංකර ජයසිංහ)

විල්පත්තුව ජාතික වන උද්‍යාන බටහිර මායිමේ පිහිටි වෙල්ලමුන්දල් හා කොල්ලන්කනත්ත වෙරළ තිරයට මියගිය විශාල ඩොල්ෆින් මසුන්  12 දෙනෙකුගේ සිරුර ගොඩ ගසා තිබිය දී හමුවු බව විල්පත්තුව ජාතික වන උද්‍යාන පාලක සුරංග රත්නායක මහතා පැවසීය.

මෙලෙස මරණයට පත්වු ඩොල්ෆින් මත්සයින් අඩි 8 ත් 10 අතර විශාල  මත්ස්‍යන් බව කියයි.

මෙම ඩොල්ෆින් මසුන් 7 දින සවස වෙල්ලමුන්දලම හා කොල්ලන්කනත්ත වෙරළ තීරයේ ගොඩ ගසා තිබිය දී කොල්ලනත්ත නාවික හමුදා අණු කණ්ඩායේ නිළධාරීන් දැක ඒ බව වනජීවි නිළධාරීන්ට දැනුවත් කර ඇති බව කියයි.

මෙසේ මරණයට පත්ව සිටි ඩොල්ෆින් මත්සයින් 12 දෙනාට අමතරව වෙරළ තිරයේ එක් ස්ථානයක දගලමින් පන පිටින් සිටි ඩොල්ෆින් මත්සයකු නාවික නිළධාරින් හා භට පිරිස් එක්වී නැවත ගැඹුරු මුහුදු තිරයට රැගෙන යාමට කටයුතු කර ඇති බව කියයි.

මෙම ඩොල්ෆින් මත්සයින් විශාල පිරිසක් එකම ස්ථානයක මෑත කාලයේ මරණයට පත්ව හමුවූ පළමු අවස්ථාව මෙය බවද කියයි.