මන්ත්‍රී නැතිව සැප ගන්න සෙන්පති නිවෙසට ගිය පිරිසක් පන්නයි

(සුජිත් හේවාජුලිගේ )

නුවරඑළිය මන්ත්‍රී නිවාඩු නිකේතනයේ ( General's House ) පසුගිය සතියේ දිනෙක නවාතැන් ගැනීමට ගිය මන්ත්‍රීවරයකුගේ හිතවතුන් පිරිසක් එහි පාලකයන් විසින් ආපසු හරවා එවනු ලැබ ඇතැයි වාර්තා වේ.

එම නිවාඩු නිකේතනයේ ලැගුම් ගත හැක්කේ මන්ත්‍රීවරයකුට හෝ මන්ත්‍රීවරයකු සමග පැමිණෙන පවුලේ ඥාතීන්ට පමණක් වන අතර මේ පිරිස එහි පැමිණ ඇත්තේ මන්ත්‍රීවරයකු නොමැතිව බව පාර්ලිමේන්තු ආරංචි මාර්ගවලින් පැවසේ.

පිරිස හරවා යැවීමට එහි පාලකයන් කටයුතු කර ඇත්තේ මේ නිසා යැයි කියති.

නුවරඑළියේ මන්ත්‍රී සැප බංගලාව නොහොත් සෙන්පති නිවෙස වෙන් කර ගන්නේ නම් අදාල මන්ත්‍රීවරයා අනිවාර්යයෙන්ම එහි සිටිය යුතු බවටවූ නීතිය පාර්ලිමේන්තු ප්‍රධානීන් විසින් පණවනු ලැබුවේ මේ මෑතකදීය.

ඇතැම් මන්ත්‍රීවරුන්ගේ හිතවතුන් මෙම මන්ත්‍රී බංගලාවවෙන්කරගෙන එහි ලැගුම්ගෙන සිටි සෙසු මන්ත්‍රීවරුන්ට සහ ඔවුන්ගේ පවුල්වල සාමාජිකයන්ට හිරිහැර වන ආකාරයට සහ නිදහසට බාධාවන අන්දමින් හැසිරී ඇති බවට මන්ත්‍රීවරුන් පිරිසකගෙන් ලැබුණු පැමිණිලි සැලකිල්ලට ගෙන පාර්ලිමේන්තු ප්‍රධානීන් මෙම තීරණය ගෙන ඇත.

මේ ගැටළුව සම්බන්ධයෙන් පාර්ලිමේන්තු ගෘහ කාරක සභා රැස්වීමේදීද පසුගියදා දීර්ඝව සාකච්ඡා කර ඇතැයි දැනගන්නට ඇත.

පාර්ලිමේන්තුවේ මන්ත්‍රීවරුන් වෙනුවෙන් පිට පළාත්වල ඇති එකම නවාතැන් බංගලාව මෙයයි. මන්ත්‍රීවරයකු වෙනුවෙන් මෙහි එක් කාමරයක් සඳහා දිනකට අය කෙරෙන ගාස්තුව රුපියල් දහසකි.

අදහස් (7)

මන්ත්‍රී නැතිව සැප ගන්න සෙන්පති නිවෙසට ගිය පිරිසක් පන්නයි

Nimal Monday, 10 July 2023 11:01 AM

මේ කාලකණ්ණින්ට සැප ගන්නද අපේ බදුමුදල් යන්නේ?

: 2 77

ගීත් Monday, 10 July 2023 11:05 AM

දවසට රුපියල් 1000ක්? ඇත්තටම මේ අයට දෙන සැප වැඩියි.

: 2 61

Tikiri Monday, 10 July 2023 11:07 AM

මේ රටේ ජනතාව රවට්ටපු හැම දේශපාලනඥයාට ම ශාප වේවා ! මුළු රාජපක්ෂ පවුලටම හෙණ හතම වැදියන් . බලු රාජපක්ෂ පවුලට කඩේ යන වල වහල් බයියන්ටත් හෙණ හතම වැදියන් , ශාප වේවා!

: 15 58

ramani Monday, 10 July 2023 11:08 AM

: 9 44

Asanga Monday, 10 July 2023 11:34 AM

රුපියල් දහසකට දිනකට නුවර එලියෙන් කාමරයක් ගැනීම පොදු මජනතාවට කල නොහැක්කකි. එනිසා මෙය මහජන මුදලින් නඩත්තු වන පොදු දේපලකි. මන්ත්‍රී වරප්‍රසාද යනු මහජන වරප්‍රසදයකි. මෙවන් දේවල් බදු දිම හෝ විකුණා දැමිය යතුය. සැමට විවුර්ත කල යුතුය

: 2 59

ලුම්බිණි Monday, 10 July 2023 12:43 PM

අහන්නත් ලැජ්ජයි මුන්ගේ වැඩ.

: 0 40

Bunny Preena Monday, 10 July 2023 04:36 PM

දැන් ඔහොම වුණාට පහු පහු වෙනකොට කොහු කොහුම තමයි.

: 0 9