දූෂණයට සහ දූෂිතයනට එරෙහිව ලෝක නායකයන් ලන්ඩනයේ දී පැවැත්වීමට යන සමුළුවට සහභාගීවන ජනපති මෛත්‍රීපාල සිරිසේන මහතා ශ්‍රී ලංකාවට එන ගමනේ දී නව දිල්ලියේ දී නරේන්ද්‍ර මෝදි ඉන්දියා අගමැති හමුවීමට නියමිතය.

මධ්‍ය ප්‍රදේශයේ දී උජේන් හි හින්දු කොවිලක කුම්බමේලා උත්සවයකට ජනපති සහභාගී වෙයි. පාලක භාරතීය ජනතා පක්ෂයේ ආරාධනයෙන් ජනපති එහි යයි.

ජනතා පක්ෂ මහලේකම් ජනපතිට කොළඹ දී පෞද්ගලිකවම එම ඇරියුම භාරදුන්නේය. ඉන්දු ලංකා නායකයන් අතර නව දිල්ලියේ දී සාකච්ඡා පැවැත්වීමට ද නියමිතය.

දූෂණයට එරෙහි ජගත් සමුළුව ලන්ඩනයේ දී සංවිධානය කරනුයේ එංගලන්ත අගමැති ඩේවිඩ් කැමරන් මහතාය.

දූෂණය හෙළිදරව් කිරීමටත්, දූෂිතයනට දඬුවම් කිරීමටත්, වින්දිතයනට සාධාරණය ඉෂ්ට කිරීම සඳහා ගත යුතු ප්‍රායෝගික තීරණ ගැනත් ජගත් නායකයන්ගේ සමුළුවේ දී තිරණයක් ගැනෙතියි කියති.