(අජන්ත කුමාර අගලකඩ සහ ශාන්ත කුලරත්න)

රට තුළ මතුව ඇති අර්බුදය හමුවේ කැබිනට් මණ්ඩලය ඉල්ලා අස්වීමට තීරණය කර ඇත.

අගමැති මහින්ද රාජපක්ෂ මහතාගේ ප්‍රධානත්වයෙන් අරලියගහ මන්දිරයේ අද රාත්‍රියේ පැවැති කැබිනට් ඇමතිවරුන්ගේ විශේෂ සාකච්ඡාවක දී මෙම තීරණය ගෙන ඇත

ඒ අනුව ඉල්ලා අස්වීමේ ලිපි ඇමතිවරුන් විසින් අගමැති මහින්ද රාජපක්ෂ මහතා වෙත ඊයේ රාත්‍රියේම භාර දෙනු ලැබ ඇති අතර, එය අගමැතිවරයා විසින් ජනාධිපති වරයා වෙත හෙට (04) පෙරවරුවේ බාර දෙනු ඇත .

රටේ උද්ගතව ඇති දේශපාලන හා ආර්ථික අර්බුදය සැලකිල්ලට ගනිමින් කැබිනට් මණ්ඩලය මෙසේ ඉල්ලා අස්වීමට තීරණය කර තිබේ .

කෙසේ වුවද අගමැති මහින්ද රාජපක්ෂ මහතා ඉල්ලා අස්වීමේ ලිපියකට අත්සන් තබා නැතැයි ද වාර්තා වේ.

මේ අතර මුදල් ඇමති බැසිල් රාජපක්ෂ මහතා සහ කෘෂිකර්ම ඇමති මහින්දානන්ද අලුත්ගමගේ මහතා අතර එම සාකච්ඡාවේදී මත ගැටුමක් ඇති වූ බවද වාර්තා වේ.

ඒ අනුව නව අමාත්‍ය මණ්ඩලය ජනාධිපතිවරයා ඉදිරියේ හෙට දිවුරුම් දීමට ඉඩ ඇතැයි ආරංචි මාර්ග සඳහන් කරයි.