(යොහාන් භාසුර)

ඩීසල් මිල ඊයේ (1) මධ්‍යම රාත්‍රීයේ සිට රුපියල් 10 කින් ඉහළ දැමුව ද බස් ගාස්තු ඉහළ නොදමන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා අද (2) පැවසීය.

ජාතික බස් ගාස්තු ප්‍රතිපත්තියට අනුව ඉන්ධන මිල ඉහළ යෑමේ ප්‍රතිශතය සියයට 4 කට වඩා වැඩි වුවහොත් පමණක් බස් ගාස්තු ඉහළ දැමිය හැකි බව කී විජේරත්න මහතා රුපියල් 10 කින් මිල ඉහළ යෑම සියයට 2 පමණ ප්‍රතිශතයක් බව ද සඳහන් කළේය.

මාසයෙන් මාසයට ඉන්ධන මිල ඉහළ දමන්නේ නම් ජාතික ප්‍රතිපත්තිය වෙනස් කළ යුතු බවත් එයට පිළියමක් ලෙස පෙරගෙවුම් කාඩ්පත හැකි ඉක්මණින් සියලුම බස් රථවල ක්‍රියාත්මක කළ යුතු බවත් ඒ මහතා වැඩි දුරටත් කීය.