(   එච් එම් ධර්මපාල සහ බිමල් ශ්‍යාමන් ජයසිංහ)

බෙල්ලන්විල අත්තිඩිය  වන ජීවී පුනරුත්ථාපන මධ්‍යස්ථානයේ ප්‍රතිකාර ලබමින් සිටි කළු වඳුරු පැටව් සිවුදෙනකු  සොරාගෙන ගොස් ඇති බවට පැමිණිල්ලක් ලැබී ඇතැයි ගල්කිස්ස මූලස්ථාන පොලීසිය කියයි.

එම මධ්‍යස්ථානයේ වනජීවී අඩවි සහකාර මාධව මිහිර කුඹුකගේ  මහතා එම පැමිණිල්ල සිදුකර ඇත.

ඉකුත් සෙනසුරාදා අළුයම 03:30 අතර කාලයේදී මෙම සොරකම සිදුකර ඇති බව එම පැමිණිල්ලේ සඳහන් වන බව පොලිසිය කියයි.

වඳුරු පැටව් සොරකම සඳහා පුද්ගලයන් දෙදෙනෙකු වඳුරන් තබා තිබෙන කුටිය තුළට පැමිණ සිටින අන්දම එහි සවිකර තිබූ සීසීටීවී කැමරාවල දක්නට ලැබෙන අතර ඔවුන් මෝටර් රථයකින් පැමිණි බවට මේ වනවිට අනාවරණය වී ඇතැයි පොලිසිය කියයි.සැකකරුවන් පිළිබඳ යම් තොරතුරක් වෙතොත් මෙම අංකයට දැනුම් දෙන ලෙස මහජනතාවගෙන් ඉල්ලා සිටි. වනජීවි හදිසි ඇමතුම් අංකය 1992 පුනුරුත්තාපන මධ්‍යස්ථානය 0113604147