(ලසන්ත නිරෝෂණ පෙරේරා සහ සම්පත් ප්‍රියනන්දන)

බලන්ගොඩ නගරයේ වෙළෙඳ සල්වලට බෙදාහැරීමට රැගෙන ගිය සහල්  තොගයක් සමග සුනඛයින් දෙදෙනකු ද රැගෙන ඒම නිසා එම ලොරි රථය සහ රියදුරු සමග සහයකයා බලන්ගොඩ මහජන සෙඛ්‍ය පරික්ෂකවරුන් විසින් අත් අඩංගුවට ගනු ලැබිය.

බලන්ගොඩ නගරයේ ප්‍රධාන බස් නැවතුම්පොළ අසළ වෙළදසැලක් අසළදි ලොරිය නවතා සහල් මිටි බෑමට සුදානම් වෙද්දි ලොරිය තුළ සහල් මිටි අතර සුනඛයින් දෙදෙනකු සිටින ආකාරය නගරයේ සිටි අයකු දැක ජංගම දුරකථනයෙන් විඩියෝ කර මහජන සෙඛ්‍ය පරික්ෂකවරුන්ට යොමු කර තිඹුණි .

ඒ අනුව එම නිලධාරීන් විසින් ලොරිය අත් අත්ඩංගුවට ගෙන වැඩිදුර පරික්ෂණ සිදු කර තිබේ

රුපියල් ලක්ෂ විසි එක ඉක්මවු මුදලකට අලෙවි කරන කැකුළු සහල් තොගයක් මෙම ලොරියේ තිබු බවත් තිස්සමහාරාමයේ සහල් මෝලකට ලොරිය අයත් බවත් පරික්ෂණ සිදු කරන නිළධාරිහු පවසති.