මහ බැංකු බැඳුම්කර වංචාව සම්බන්ධයෙන් මහ බැංකු අධිපති අර්ජුන් මහේන්ද්‍රන්ට හා ඔහුගේ බෑනාට විරුද්ධව බස්නාහිර පළාත් මන්ත්‍රී රේණුක පෙරේරා ගොනු කර තිබූ පැමිණිල්ල අද (26) කොළඹ ප්‍රධාන මහේස්ත්‍රාත් ගිහාන් පිලපිටිය මහතා නිෂ්ප්‍රභ කළේය.

පැමිණිලිකරු පැමිණිල්ල ඉල්ලා අස්කර ගැනීමට ඊට හේතුවයි. මේ සම්බන්ධයෙන් අල්ලස් හෝ දූෂණ විමර්ශන කොමිසම පරීක්ෂණයක් පවත්වාගෙන යන බැවින් තම පැමිණිල්ල ඉල්ලා අස්කර ගත් බව මන්ත්‍රීවරයා අධිකරණයට දැන්වීය.

හිටපු ජනපති මහින්ද රාජපක්ෂට හා හිටපු මහ බැංකු අධිපති අජිත් නිවාඩ් කබ්රාල්ට එරෙහිව නීතිඥ කැළුම් කුමාරසිංහ ගොනු කර තිබූ නඩුවද අද ඉල්ලා අස්කර ගත්තේය.

මේ සම්බන්ධයෙන්ද අල්ලස් කොමිසමේ පැමිණිල්ලක් විභාග වන හෙයින් එම තීරණය ගත් බව කොළඹ ප්‍රධාන මහේස්ත්‍රාත්වරයා හමුවේ පැමිණිලිකරු කියා සිටියේය.

සේවක අර්ථ සාධක අරමුදල් ආයෝජනයේදී හා ග්‍රීක බැඳුම්කර නිකුතුවේදී රජයට පාඩුක් සිදුකිරීම සම්බන්ධයෙන් හිටපු ජනපතිට හා මහ බැංකු අධිපතිට එරෙහිව එම පැමිණිල්ල ගොනු කර තිබුණි.