(ප්‍රසාද් රුක්මල් )

බදුල්ල දිස්ත්‍රික්කයේ වර්ෂාවත් සමග නායයාම්, පස්කදු ගල්පර්වත ගස්කොළන් කඩා වැටීමෙන් සිදුවු ආපදාවන් වලින් මියගිය ගණන අද (28) පස්වරුව වනවිට 35 දක්වා ඉහල ගිය බව බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා පවසයි .

ආපදාවන් වලින් දිස්ත්‍රික්කයේ නිවාස 563කට අර්ධ හානි සිදුව නිවාස 119 කට පූර්ණ හානි සිදුව ඇති බවත් , පවුල් 2211ක පුද්ගලයන් 9799ක් විපතට පත් සිටින බවද හෙතෙම කීය .

දිස්ත්‍රික්කයේ දැනට සුරක්ෂිත මධ්‍යස්ථාන 102ක් පිහිටුවා ඇති බවත් විපතට පත් පිරිසට අවශ්‍ය පිසූ අහාර ඇතුලු පහසුකම් සලසා දෙන බවද බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා වැඩිදුරටත් සදහන් කලේය .