(ප්‍රසාද් රුක්මල් ) 

බදුල්ල මහියංගණ ප්‍රධාන මාර්ගයේ දුන්හිඳ අබගහඔය 5 කනුව ප්‍රදේශයේදී කොතලාවල ආරක්ෂක විශ්වවිද්‍යාලයේ සිසුවියන් දෙදෙනකු ට මරු කැදවා  40කට තුවාල සිදු කරමින් වේල්ලක ගැටි පෙරලීයාමෙන් සිදු වූ බස්රථ අනතුරට සම්බන්ධ රියදුරු මේ මස 14 වන දින තෙක් රක්ෂිත බන්ධනාගාර ගත කර තැබීමට බදුල්ල මහේස්ත්‍රාත් නුජිත්ද සිල්වා මහතා නියම කළේය.

මෙම බස්රථ අනතුරින් රියදුරු බරපතළ තුවාල ලබා දැනට බදුල්ල ශික්ෂණ රෝහලේ නේවාසිකව ප්‍රතිකාර ලබමින් පසුවෙන බව බදුල්ල පොලිසිය  බදුල්ල අධිකරණයට දැනුම් දීමෙන් අනතුරුව බදුල්ල මහේස්ත්‍රාත්වරයා ඊයේ (11) බදුල්ල ශික්ෂණ රෝහලට ගොස්  සැකකාර බස්රථ  රියදුරු පරික්ෂා කර බලා එම රියදුරු බන්ධනාගාර නිළධාරින්ගේ ආරක්ශාව යටතේ තවදුරටත්  රෝහලේ  නේවාසිකව ප්‍රතිකාර ලබා ගැනීමට අවස්ථාව සලසා දෙන ලෙසට ද නියෝග කළේය.

ගාල්ල දම්මල ඇල්විටිගල ජනපදයේ පදිංචි කේ.ප්‍රසාන්ත කුමාර (41)  නැමති රියදුරු මෙසේ රිමාන්ඩ්  කෙරිණි.