(විමුක්ති එස් රුද්‍රිගු)

ඉන්දියාව බුදුරජාණන් වහන්සේගේ උරුමයෙන් පැවැත එන රටක් බැවින් බුදුරජාණන් වහන්සේ ඉගැන්වීම පිළිබඳ කතා කරන සෑම අවස්ථාවකදීම සිත් තුළට නැගෙන්නේ යුද්ධය නොව සාමය යැයි පෝලන්ත සංචාරයක නිරත වූ ඉන්දීය අග්‍රාමාත්‍ය නරේන්ද්‍ර මෝදි එරට සිටින ඉන්දීය ප්‍රජාව අමතමින් ප්‍රකාශ කළේය.

බුදුරජාණන් වහන්සේ පිළිබඳ විශ්වාසයක් ඇති අප කෙදිනකවත්  යුද්ධය පිළිබඳව විශ්වාස නැහැ. එහෙයින් ඉන්දියාව කලාපයේ සාමය ඇති කිරීමට සැමවිටම උත්සාහ කරනවා. 

එමනිසා ඉන්දියාවේ ස්ථාවරය සැමවිටම පැහැදිලියි. මේ එලැඹ තිබෙන්නේ යුද්ධයේ යුගය නොව සාමය යුගයයි. 

වසර 40 කට පසුව ඉන්දීය අග්‍රාමාත්‍යවරයකු පෝලන්තයේ නිල සංචාරයක නිරත වූ ප්‍රථම අවස්ථාවද මෙය විය.

ඉන්දීය ආර්ථික වර්ධනයට සහ සංස්කෘතික උරුමයන් ව්‍යාප්ත කිරීමට දායක වන තානාපතිවරුන් ලෙස කටයුතු කරන ලෙස පෝලන්තයේ සිටින දෙමළ ඩයස් පොරාවගෙන් අග්‍රාමාත්‍යවරයා ඉල්ලීමක්ද කළේය.

ඉන්දීය අග්‍රාමාත්‍ය නරේන්ද්‍ර මෝදි පසුගිය 21 සහ 22 වැනිදා පෝලන්තයේ නිල සංචාරයක නිරත විය.