ලෝකය පුරා විවිධ රටවල බෞද්ධ නායකයින් සහභාගීවන ජාත්‍යන්තර සම්මේලනයක් බුද්ධගයාවේදී ආරම්භවිය.

වාර්ෂිකව සංවිධානය කැරෙන මෙම සම්මේලනය වෙවර පැවැත්වෙන්නේ 25 වැනි වතාවටය.

ගෞතම බුදුරජානන් වහන්සේ දේශනාකළ කරුණාව සහ මෛත්‍රිය ප්‍රගුණ කිරීම තුලින් මුළු මහත් මිනිස් වර්ගයා වෙතම සාමය හා සමඟිය උදාකරගත හැකිබව පහදාදීමේ අරමුණෙන් සංවිධානය කර ඇති එම සම්මේලනය ආරම්භ කෙරුනේ ශ්‍රී මහා බෝධීන් වහන්සේ  අභියස පැවැත්වුන ආගමික වතාවත් අලින් අනතුරුවය.

මෙම සම්මේලනය සඳහා බංග්ලාදේශය,කාම්බෝජය, ලාඕසය, නේපාලය,මියන්මාව, තායිලන්තය , ඉන්දියාව,වියට්නාමය සහ ශ්‍රී ලංකාව ඇතුළු විවිධ රටවලින් විද්වත් මහා සංඝරත්නය වැඩම කළහ.

බුදුන්වහන්සේ දේශනාකළ ධර්මය ලොව පුරා ප්‍රචලිත කරවීමේ අගය පිළිබඳවත් ඒ සඳහා ගතහැකි හොඳම ක්‍රියාමාර්ගයන් පිළිබඳවත් මෙහිදී සාකච්ඡාවට භාජනය කැරෙන බවද සංවිධායකයින් පවසා ඇත.