මාදුළුවාවේ සෝභිත හිමියන්ගේ අපවත්වීම සමබ්නධයෙන් සමාජ වෙබි අඩවි ඔස්සේ  කර  ඇති  අපහාස උපහාස දකින විට වත්මන්  සමාජ  පරිහානිය පැහැදිලිවන බව ජනාධිපති  මෛත්‍රිපාල සිරිසේන මහතා  අද (10) කැළණිය බොල්ලෑගල මානෙල්වත්ත නාගානන්ද ජාත්‍යන්තර  බෞද්ධ විශ්ව විද්‍යාලයයේ ඉදිකිරිම්  පිළිබඳ නිරික්ෂණ චාරිකාවක දී  පැවසිය. ආරක්ෂක රාජ්‍ය අමාත්‍ය රුවන් විජයවර්ධන මහතාද එම අවස්ථාවට එක්විය.

අභාවප්‍රාප්ත හිටපු ජනාධිපති  ජේ.ආර්.ජයවර්ධන මහතා  සහ එම ආර්යාව විසින්  සසුනට  පුජා කළ අක්කර  62 න්  අක්කර  20 ක් බෞද්ධ විශ්ව විද්‍යාලය ඉදි කැරගෙන යයි. එහි උපකුලපති ලෙස කටයුතු කිරීමට නියමිත  මහාචාර්ය සුමනපාල ගල්මංකඩ මහතාද එහි ගියේය.

දැනට  තෙමහල් හා සිව්  මහල්  ගොඩනැගිලි 11 ක්  ඉදිකරමින්  පවති. මෙම ගොඩනැගිලි සංකීර්ණයේ වටිනාකම රුපියල්  කෝටි  එක් දහසකි. චීනයේ  චින් තාං නායක හිමියන්ගේ  දායක දායිකාවෝ මේ සඳහා අනුග්‍රහය දක්වති.

විශ්ව විද්‍යාලයේ  අධ්‍යක්ෂ තායිවානයේ  ප්‍රධාන සංඝනායක ආචාර්ය බෝදාගම චන්දිම හිමියන්ගේ  ප්‍රධානත්වයෙන්  පැවති  සාකච්ජාවක දි  රජයෙන්  දිය හැකි  සෑම සහයෝගයක්ම ලබාදිමට  ජනාධිපතිවරයා කැමැත්ත පළ කළේය. 

ඡායාරූප හා විඩියෝ ජයමාල් චන්ද්‍රසිරි

ජායාරූප - ඩික්සන් වසන්ත