බුද්ධාගමේ චිරස්ථිතියට එල්ළ වෙතියි කියන අන්‍යාගමික තර්ජන ,කැසිනෝ සූදූ, ගණිකා ජාවාරම් ඇතුළු දුරාචාර ගැන රජයේ නිහඩ පිළිවෙත ගැන මල්වතු අස්ගිරි මහා නහිමිවරුන් හමුවේ කරුණු දැක්වීමට බොදු බළ සේනා සංවිධානය , රාවණා බලය හා ජාතික සංඝ සම්මේලන නියෝජිතයෝ  අද මහනුවට වැඩම කළහ.

බොදු බළ සේනා සංවිධානයේ  මහ ලේකම් ගලගොඩ අත්තේ ඤාණසාර , රාවණා බලයේ මහලේකම් ඉත්තෑපානේ සද්ධාතිස්ස ,ජාතික සංඝ සම්මේලනයේ  රජවත්තේ වප්ප හිමිවරුන්,  තිබ්බටුවාවේ සුමංගල මල්වතු මහ නාහිමියනට කියා සිටියේ රජය මේ උවදුරු නැති කිරීමට ක්‍රියාත්මක නොවන්නේ නම් මහා සංඝරත්නය පාරට බසින බවයි.

‘ඔබ වහන්සේලා ශක්තිමත්. ආණ්ඩු හදන්නත් පුළුවන් . ආණ්ඩු පෙරළන්නත් පුළුවන්.’ මල්වතු මහ නා හිමියෝ  එහිදී පැවසුහ.