රජයේ පාසල්වලට ළමයින්  ඇතුළත්  කිරිම සඳහා  නිශ්චිත ක්‍රමවේදයක්  සැකසීම පළමු  කාර්යය බවට  පත් කර ගන්නා ලෙස හෙට පත්වන නව අධ්‍යාපන ඇමැති ගෙන් ඉල්ලන බව ලංකා ගුරු සංගමයේ ප්‍රධාන ලේකම් ජෝසප් ස්ටාලින්  මහතා පැවසුවේය.

2013/23 චක්‍ර ලේඛය අනුව පාසලට  ළමයකු  ඇතුළත්  කර ගැනීමේ දී කිසිදු මුදලක්  අයකර  ගත නොහැකි  වුවත් මේ දිනවල සම්මුතිය පරික්ෂණ පවත්වන පාසල් දෙමව්පියන්ගේ විවිධ පරිත්‍යාග ලබා ගන්නා  බව හෙළිවී ඇතැයි ස්ටාලින් මහතා කීවේය.

මේ තත්ත්වය වැළැක්වීමට  දින 100 ආණ්ඩුව ක්‍රමවේදයක්  හඳුන්වා  දීමට  කටයුතු  කරන බව පැවසුවත්  එවැන්නක් සිදු නොවු  බව කී  ගුරු සංගම් ලේකම්වරයා  මේ සඳහා  වැඩ පිළිවෙළක්  සැකසීම ප්‍රථම කාරණය කර ගන්නැයි නව අමාත්‍යවරයා ලෙස කවුරුන් පත් වුවත් ඉල්ලා සිටින බවද පැවසීය.