(යොහාන් භාසුර)

පළාත් පාලන මැතිවරණයේ නාම යෝජනා අවලංගු කිරීම සම්බන්ධයෙන් ඉදිරිපත් වී ඇති යෝජනාව පිළිබඳ නීතිපතිවරයාගේ උපදෙස් ලබා ගැනීමට තීරණය කර ඇතැයි පළාත් පාලන රාජ්‍ය අමාත්‍ය ජානක වක්කුඹුර මහතා පවසයි.

පළාත් පාලන රාජ්‍ය අමාත්‍යංහයේ නීති අංශය සම්බන්ධයෙන් ඉදිරියේදී කටයුතු කිරීමට නියමිත බවත් නාමයෝජනා සම්බන්ධයෙන් අධිකරණයේ නඩු කිහිපයක් විභාග වෙමින් පවතින බවත් අමාත්‍යවරයා කීය.

නීතිපති උපදෙස් ලැබුණු පසු පළාත් පාලන හා ස්වදේශ කටයුතු පිළිබඳ අමාත්‍යාංශයේ උපදේශක කාරක සභාවට දැනුම් දෙන බව කී රාජ්‍ය අමාත්‍යවරයා පළාත් පාලන මැතිවරණයේ නාමයෝජනා අවලංගු කරන්නැයි ආණ්ඩු පක්ෂ, විපක්ෂ මන්ත්‍රීවරුන් මෙන්ම ඇතැම් රාජ්‍ය නිලධාරීන්ගෙන් ද ඉල්ලීම් විශාල ප්‍රමාණයක් ලැබී ඇතැයි ද අමාත්‍යවරයා සඳහන් කළේය.