පළාත් ඡන්දයට බාධා කිරීම් විස්සක්

පළාත් පාලන මැතිවරණයට මුදල් දීමට මහා භාණ්ඩාගාරයට හැකියාවක් නොමැති බව ජනාධිපතිවරයා විසින් ප්‍රකාශ කරන ලදැයි එක්තරා මාධ්‍යයක පළ වී තිබිණි. පළාත් පාලන මැතිවරණය පිළිබඳව විවිධ මත පුද්ගලයන් විසින් පල කර ඇත. ඇතැමෙක් මේ පළාත් පාලන ඡන්දයට කැමති වෙත්. ඇතමෙක් කැමති නො වෙත්. අකමැති පිරිස ද විවිධ හේතු දක්වත්. මේ රටේ පාලන ව්‍යූහය සකස් වී තිබෙන්නේ සම්මත ආණ්ඩුක්‍රම ව්‍යවස්ථා නීතිය මතයි. කිසිවෙකුටත්ම තම අත්තනෝමතියට රටේ පාලනය හැසිරවිය නොහැක. රටේ ආර්ථිකය විනාශය කරා ගෙන ගියේ, පාලනය හෙබවූ පිරිසගේ වරදිනි. සියලු පාලන බලයේ වගකීම ව්‍යවස්ථාදායකය සතුය... ව්‍යවස්ථාදායකයේ සියලු බලය ජනතා පරමාධිපත්‍යයේ බලය සතුයි. මහා භාණ්ඩාගාරයේ මුදල් නැත කියා මැතිවරණ කල් දැමීම යනු ජනතා පරමාධිපත්‍යයේ බලය උල්ලංඝනය කිරීමකි. ප්‍රජාතන්ත්‍රවාදී ජනතා පාලන බලය අයාලේ යැවීමකි. රටක ප්‍රජාතන්ත්‍රවාදය අයාලේ යනවා යනු හිතුමතයට, දැනට බලයේ සිටින පිරිසගේ අත්තනෝමතිය ක්‍රියාවේ යෙදවීමක් වේ. එය ආණ්ඩුක්‍රම ව්‍යවස්ථා නීතිය උල්ලංඝනය කිරීමකි. ඒ තුලින් පැන නගින සමාජ නො සන්හිදියාව අතිශයින් ම විනාශකාරී වීමට පුළුවනි....

1977 මහ මැතිවරණයෙන් පසු, 1978 සිට ඡන්ද අයිතිය ලත් පුරවැසියන්ගේ සිට 1989 වන තෙක් පාර්ලිමේන්තු නියෝජනයට තම මතය ප්‍රකාශ කිරීමට නොහැකි විය. එහි ප්‍රතිඵල එවකට දකුණට පමණක් නොව උතුරට ද බල නො පෑවේ යැ'යි නො කිව හැකියි. එවකට දකුණේ ඇතිවූ දේශපාලන නො සංහිදියාවට එය සෘජුව හේතු වූ බව දේශපාලන විචාරකයින්ගේ මතය විය. උතුරේ එවකට දේශපාලන බලය හෙබවූ ද්‍රවිඩ එක්සත් විමුක්ති පෙරමුණ සමස්ථ පාර්ලිමේන්තු ආසන 168 න් 18 ක ලබාගෙන දෙවැනි තැනට පත්විය. එක්සත් ජාතික පක්ෂය ආසන 140 ක් ලබාගෙන හයෙන් පහක බලයෙන් බලයට පත්විය. උතුරේ ආයුධ සන්නද්ධ වූ හා නො වූ සියලු ද්‍රවිඩ ජනතාවට ද විශේෂයෙන් 1978 සිට ඡන්ද බලය හිමි වූ ද්‍රවිඩ තරුණ ප්‍රජාවටද 1989 මහ මැතිවරණය තෙක් පාර්ලිමේන්තු නියෝජිතයින් පත්කර ගැනීමේ අවස්ථාව අහිමි විය. ආසන 18 ක් වූ ද්‍රවිඩ එක්සත් විමුක්ති පෙරමුණ නායක ඒ .අමිර්තලිංගම් විපක්ෂ නායක වරයා ඇතුලු ද්‍රවිඩ පාර්ලිමේන්තු මන්ත්‍රීවරු ද්‍රවිඩ සංනද්ධ තරුණයන්ගේ අදහස් සමඟ සමගාමී නොවූහ.

ද්‍රවිඩ කණ්ඩායම් වලට විරෝධීව සිටියහ. අවසානයේ එල්.ටී.ටී.ඊ සංවිධානය බලවත් ලෙස විරසක විය. එල්.ටී.ටී.ඊ ය විසින් අමිර්තලිංගම් මහතා ඝාතනය කරන ලදී. මෙම තත්වය අනුව උතුරේ තරුණ ජනමතය ප්‍රකාශයට සහ ඔවුන්ගේ නිදහස් අදහස් පරිදි පාර්ලිමේන්තු නියෝජනයට අවස්ථාවක් නො ලැබිණි. ඔවුන් කෙරෙහි දකුණේ දේශපාලනය පිළිබඳ විශ්වාසය බිඳ වැටීමකට සහ උතුරේ නැගනහිර සන්නද්ධ ක්‍රියාකාරකම් තුළින් ඊලාම් පාලනයක් ඇතිකර ගැනීමට උත්සාහවත් වීමට මෙය ද හේතු නොවුණායැ'යි නොකිය හැකිය. පුරවැසියන්ට පාලනය පිළිබඳව නීතියානුකූලව විරෝධයට සහ අනුමැතියට ඉඩක් තිබිය යුතුය. එයට අවශ්‍ය මානසික බලාපොරොත්තුව ආණ්ඩුක්‍රම ව්‍යවස්ථාවෙන් ස්ථාපිත කර ඇත. ආණ්ඩුක්‍රම ව්‍යවස්ථාවෙන් ස්ථාපනය කර ඇති මඟට විරුද්ධව ආණ්ඩුව කටයුතු කිරීමෙන් සිදුවනුයේ, පුරවැසියන්ට, විශේෂයෙන් තරුණ ප්‍රජාවට ආණ්ඩුක්‍රම ව්‍යවස්ථා නීතිය පිළිබඳව සහ පවතින පාලන ක්‍රමය කෙරෙහි ඉච්ඡා භංගත්වයට පත්වීමයි. මෙය රටේ සුබ සිද්ධියට හේතු නොවනවා ඇත. ඉච්ඡා භංග වූ ජනතාවකගෙන් යහපත් සිතුවිලි බලාපොරොත්තු නො විය හැක. රටේ සියලුම ස්ථරයින්ට මෙය අයහපත පිණිස බලපානවා ඇත...

තියා ගැනීමට තරම්වත් වත්කමක් නැති හිඟන තැනකට රට පත්වී ඇත්නම් මේ රට අතිශයින් බංකොළොත් භාවයට පත්වීමක් නොවේද? මෙහෙව් රටක අනාගතයේ ප්‍රජාතන්ත්‍රවාදය හෝ සාධාරණ සමාජයක් බලාපොරොත්තු විය හැකිද? අවසානයේ අත්තනෝමතික බල ව්‍යූහයක් ඇති පිරිසකගේ ජුන්ටාවක් විසින් පාලනය මෙහෙයවීමට මානසික පෙරහුරුවක් නොවේ නම් පුදුමයකි. මෙය කිසිසේත්ම රටට හොඳක් නොවන, වැරැදි පූර්වාදර්ශයකි. සල්ලි සොයාගත් දිනක ඡන්ද තැබීම ආණ්ඩුක්‍රම ව්‍යවස්ථාවේ පරමාධිපත්‍ය බලයට ද පුරවැසියන්ගේ සිතීමේ සහ හෘදය ශාක්ෂියේ නිදහස භුක්ති විඳීමට ඇති අයිතිය අහුරාලීමක් බවද කිව යුතුයි. දේශපාලනික වශයෙන් අස්ථාවර රටකට විදේශ අයෝජකයින් පැමිණීමද සිදු නොවෙත්. සිටින ආයෝජකයින් ද රට හැර යනු ඇත. ඡන්දයක් තබා ගැනීමට බැරි රටක, කෙසේ නම් තම රටේ අභිමානය සුරැකේද? රටක විවිධ දේශපාලන අදහස් දරණ පුද්ගලයින් සිටිය හැක. පරමාධිපත්‍ය බලය පිළිබඳව විවිධ අදහස් තිබීමට ඉඩක් නැත. පරමාධිපත්‍යයේ බලය විශ්ව සාධාරණ ධර්මතාවයක් බැවින් බෙදීම් තිබිය නොහැක. පටු දේශපාලන අවශ්‍යතාවයන් උදෙසා පරමාධිපත්‍යයේ බලය නොසලකා හැරීමට කිසිවෙකුටත්ම ඉඩ නොතැබිය යුතුය.

අනේ පවු... බලතණ්හාවට කරන උප්පර වැට්ටි...!

ඇයි අර රූකඩයා...?