අංක තහඩු නොමැති යතුරු පැදියකින් ගමන් කරමින් සිටි පුද්ගලයන් දෙදෙනෙකු  ජීව අත්බෝම්බයක් සහ උල් පිහියක්ද සමග ඇල්පිටිය පිණිකහන ප්‍රදේශයේදී අඟහරුවාදා (22) රාත්‍රී  අත්අඩංගුවට ගත් බව ඇල්පිටිය පොලීසිය කියයි.

දුම්රියේ ගැටී ඇතැයි සැකකෙරෙන ඇතින්නක් තුවාල ලබා මනම්පිටිය මාගංතොට මඩවගුරක වැටී සිටියදී සොයාගත් බව පොළොන්නරුව වනජීවී කාර්යාලය කියයි.

කටුගස්තොට ප්‍රදේශයේ ගංජා මිලි ග්‍රෑම් 2880 ක් ළග තබා ගෙන සිටි යැයි කියන සැකකරුවන් තිදෙනෙකු කටුගස්තොට පොලිස් දුෂණ මර්ධන අංශය මගින් අත්අඩංගුවට ගෙන අද (23) අධිකරණයට ඉදිරිපත්කිරීමට නියමිතය.

මැදවච්චිය, මන්නාරම පූවර්සන්කුලම දුම්රිය ස්ථානය අසලදී හමුදා බවුසරයක් මාර්ගයෙන් ඉවතට පැන පෙරලීමෙන් ගුවන් හමුදා සෙබළු සිව් දෙනකු තුවාල ලබා රෝහල්ගත කර ඇතැයි සෙට්ටිකුලම පොලිසිය කියයි.