ප‍්‍රදේශවාසියෙකු විසින් ආයුධයකින් පහරදී කැපුම් තුවාල ලැබූ මිද්දදෙණිය පුරාණ රජමහා විහාරවාසි භික්ෂූන් වහන්සේ නමක් තලාව රෝහලට ඇතුලු කර ඇතැයි මිද්දෙණිය පොලිසිය පවසයි.පෞද්ගලික ආරවුලක් මත මෙම පහරදීම සිදු කර ඇති බව පොලිස් පරීක්ෂණවලදී අනාවරනයවී ඇත.

අම්බලන්ගොඩ පොලිස් සිරමාදිරියක සිටි සැක කරුවෙකු  අද (13) උදෑසන 6 ට පමණ  සිය සරමෙන් ගෙල වැළලාගෙන ඇත. සිර මැදිරියේ සිටි තවත් සැකකරුවෙකුගේ කෑ ගැසීමකට පැමිණි පොලිසිය ඔහු මුදවාගෙන රෝහල් ගත කළ බව පොලිසිය පවසයි. සැකකරු රෝහලේ ප්‍රතිකාර ලබමින් සිටියි.

මැදවච්චිය යාපනය මාර්ග බාධකය ආසන්නයේ හෙරොයින් අළෙවි කරමින් සිටි විසිතුන් හැවිරිදි තරණයෙකු හෙරොයින් මිලි ග‍්‍රැම් 110 ක් සමග මැදවච්චිය පොලිසිය මගින් අද (13) දින අත් අඩංගුවට ගත්තේය.

මොහු අද (13) අධිකරණය හමුවට ඉදිරිපත් කිරීමට නියමිතය.

පදවිය පොලිස් වසමේ ගල්කුලම විසිතුරු මාලූවන් ඇති කරන රජයේ ගොවිපල් භුමියේ වලක තිබු අත් බෝම්බයක් පදවිය පොලිසිය මගින් සිකුරාදා (12) පස්වරුවේදි සොයා ගැනිණි.

ගොවිපලේ මුරකරු විසින් දැක, සිදුකල පැමිණිල්ලක් මත සොයාගත් බෝම්බය අද (13) යුධහමුදා බෝම්බ නි‍්‍රශ්ක‍්‍රිය අංශය විසින් නිශ්ක‍්‍රිය කරන ලදි.