යාපනය පලාලි  අධි ආරක්ෂිත කලාපයේ  පිහිටි   තමන්ට අයත්  අක්කර 6381 ක්  ආරක්ෂක මුලස්ථාන යක් පිහිටුවීමේ  අරමුණින් රජයට පවරා ගැනීමට  ගෙන ඇති තීරණය බල රහිත කරන  රීට් ආඥාවක් ඉල්ලා  වැසියන් 1474 දෙනකු  ගොනු කළ රීට් පෙත්සම සලකා බැලු  අභියාචනාධිකරණය  එම පෙත්සමේ  වග උත්තරකරුවන්  වශයෙන් නම් කැර ඇති  ඉඩම් ඇමැති ඇතුළු පිරිසට ජුලි 10 වැනි දින අධිකරණයේ පෙනී සිටින්නැයි  නියෝග කරමින් අද (30) නියෝග නිකුත් කළේය.

 මෙම පෙත්සම  අභියාචනාඅධිකරණ සභාපති විනිසුරු එස් .ශ්‍රී ස්කන්ධරාජා හමුවේ සලකා බැලීය.

 අච්චුවේලීයේ අරැණාචලම් කුණ්ඩාලසිංහම් මහතා ඇතුළු 1479 දෙනකු ගොනුකැර තිබු පෙත්සමේ වග උත්තරකරුවන් ලෙසින් යාපනයේ ඉඩම් පවරා ගැනීමේ නිලධාරී  කේ .සිවරාම් ,ඉඩම් ඇමති ජනක බණ්ඩාර තෙන්නකෝන් මහතා ඇතුළු පිරිසක් නම් කරනු ලැබ සිටිති.