පිදුරුතලාගල සංරක්ෂිතයේ  අර්තාපල්  වගාව සදහා  කැලෑව එළි කරමින් ශ්‍රී ලංකාවට ආවේනික  ශාක විශේෂ වලට හානි කළැයි  රිමාන්ඩ් කර සිටි තිදෙනකු  රුපියල් 7500 බැගින් වු මුදල්  ඇප හා  රුපියල්  ලක්ෂය බැගින් වු  ශරීර ඇප මත මුදාහරින්නැයි  නුවරඑළිය මහෙස්ත්‍රාත්  ඒ.ඩී.සී.එස්.හේවාවසම් මහතා  අද (22) නියෝග කළේය.

 නුවරඑළිය  හාවාඑළියේ  වෙදාලාගේ ප්‍රදීප් නුවන් පේමරත්න , නුවරඑළියේ ටී. සෙබස්තියන්  සහරාගල නඩරාජ් කුමාර්  එසේ ඇප ලදහ.

පිදුරුතලාගල රක්ෂතයේ  මුහුදු මට්ටමින්  අඩි 7900කට වඩා ඉහල කඳුකරයේ  අංශක 60 කට වැඩි ආනතියක්  ඇති ප්‍රදේශයක  ශ්‍රී ලංකාවට ආවේනික  මහරත් මල් ,අශෝක වැනි වසර 500 කට වඩා පැරණි  ශෘක කපා සැකකරුවන්  අර්තාපල් වගාව සදහා  කැලෑව එලි කළ බවට  නුවරඑළිය  අඩවි වන නිලධාරී  අජිත් ජයසිංහ  මහතා බී වාර්තාවක් ඉදිරිපත් කරමින්  අධිකරණයේ කරුණු දැක්වීය.