(ගයාන් සූරිය ආරච්චි)

කැලණියක් තොරණ හන්දිය දේශයේදී   පුද්ගලයෙකුට පහර දී ත්‍රිරෝද  රථයකින් පැහැරගෙන ගොස්  ලක්‍ෂ අටක් වටිනා දේපළ කොල්ල කා පලා ගිය සැකකරුවන් දෙදෙනෙක්  පෑලියගොඩ  මූලස්ථාන  පොලිසිය විසින් අත්අඩංගුවට ගනු ලැබූහ.

මෙසේ අත්අඩංගුවට ගෙන ඇත්තේ කැලණියක් ගෝනවල ප්‍රදේශයේ පදිංචි 37 හැවිරිදි පෑස්සුම්  ශිල්පියෙකු සහ  58 හැවිරිදි පොල් කඩන්නෙකු බව පොලිසිය කියයි.

කැලණිය තොරණ හන්දිය ප්‍රදේශයේදී  ත්‍රී රෝද රථයකින් පැමිණි සිව් දෙනකු විසින් මාර්ගය අසල සිටි  පැමිණිලිකරුට පහරදී ත්‍රිරෝද රථයෙන් පැහැරගෙන ගොස් පවුම් දෙක හමාරක රන්මාලයක්, රුපියල් එක් ලක්ෂ පනස්දහසක් සහ ජංගම දුරකථනයක් කොල්ලකා පලා ගොස් ඇති බව පොලිසිය පවසයි.

තවත් සැකකරුවන් අත්අඩංගුවට ගැනීම සඳහා පොලිසිය වැඩිදුර  විමර්ශන සිදුකරයි.