නැගෙනහිර  මහ ඇමැතිවරයා නාවික හමුදා නිලධරයකුට බැන වැදී තර්ජනය කිරීමෙන් සහ ඒ සිද්ධිය සිදුවන අවස්ථාවේදී එහි සිටි පාසැල් සිසුවියකගේ මුහුණට පහරවැදීමෙන් රටේ පාසල් සිසුන්ගේත්, තමන්ගේත් මූලික අයිතිවාසිකම් කඩවී ඇතැයි කියමින් නීතීඥවරයකු ශ්‍රේෂ්ඨාධිකරණයට මූලික අයිතිවාසිකම් පෙත්සමක් ගොනු කර ඇත.

එසේම අදාළ සිද්ධියට භාජනයවූ නාවික හමුදා නිලධරයාට සහ පාසල් සිසුවියගේ ගෞරවය ආරක්ෂා වන නියෝගයක් නිකුත් කරන්නැයි ද එම පෙත්සමින් ඉල්ලා ඇත.

ගනේමුල්ල ගලහිටියාව පදිංචි නීතීඥ පී.ලියනආරච්චි මහතා එය ගොනුකර ඇති අතර මෙම පෙත්සමේ වගඋත්තරකරුවන් ලෙස නීතිපතිවරයා ,නැගෙනහිර පළාත් මහ ඇමති නසීර් අහමඩ් නම් කරනු ලැබ සිටිති.