බොලිවුඩයේ "කිං ඛාන්" හෙවත් ෂාරුක් ඛාන් රංගනයෙන් දායක වූ "ඩියර් සින්දගී" චිත්‍රපටය එළඹෙන නොවැම්බර් 25 වැනිදා තිරගතවීමට සූදානම් කර ඇති බවට සඳහන්. ගෞරි සින්දේගේ සිනමා අධ්‍යක්ෂණයක් වන මෙම චිත්‍රපටයේ ෂාරුක් ඛාන් සමගින් ප්‍රධාන නිළි චරිතය ආලියා භාට් නිරූපණය කරනු ලබයි. පසුගියදා මෙම චිත්‍රපටයට සම්බන්ධ නළුනිළියන් මෙන්ම චිත්‍රපට කණ්ඩායමට සම්බන්ධ වන සියලුදෙනාට සාදයක් පුනේ නගරයේ සුප්‍රසිද්ධ හෝටලයකදී පවත්වා ඇති බවද සඳහන්.

මෙම චිත්‍රපටයේ රූපගත කිරීම් මේ වසර මුලදී ආරම්භ කර අතර, මේ වනවිටත් එහි සියලු වැඩ කටයුතු නිමා වී තිබේ. මෙම චිත්‍රපටය ෂාරුක් ඛාන්ගේ "රෙඩ්චිලි" චිත්‍රපට සමාගම හා කරන් ජෝහර්ගේ "ධරම්" ප්‍රඩක්ෂන් ආයතන විසින් නිෂ්පාදන බරපැන දරා තිබේ.