2025 අගෝස්තු මස 03 වන ඉරිදා
දක්ෂිණ අධිවේගී මාර්ගයේ දී පසුගිය රජය සමයේ නියෝජ්‍ය ඇමැතිවරයකුට දඩ කොළයක් ලබා දීමෙන් පසු දොඩම්ගොඩ දී පහරකෑමට ලක්වූ පොලිස් කොස්තාපල්වරයාට අල්ලස් කොමිසම දෙවැනි වරටත් නඩු පවරා ඇතැයි උසස් පොලිස් නිලධාරියෙක් ලංකාදීපයට පැවසීය.
2009 වසරේ මැයි මාසයේසිදුවූ බව කියන සිදුවීමක් සම්බන්ධයෙන් වසර පහකට පසු සුමින්ද සමන් නම් එම කොස්තාපල්ට සහ කුමාර දුනුවිල නම් උප පොලිස් පරීක්ෂකවරයකුට අල්ලස් කොමිසමෙන් මුල් වරට නඩු පැවරුවේ කොස්තාපල්වරයා හිටපු නියෝජ්‍ය අමාත්‍ය හේමාල් ගුණසේකරට දඩ කොළයක් ලබා දීමේ සිදුවීමෙන් පසුවය.
පසුගිය වසරේ අප්‍රේල් පළමු වැනිදා මහාධිකරණ විනිසුරු ලලිත් ජයසූරිය මහතා මේ දෙදෙනා අධිචෝදනාවලින් නිදොස් කොට නිදහස් කළේය.කසිප්පු තිප්පොලකින් ඇල්ලූ කසිප්පු අඩු ප්‍රමාණයක් පමණක් අධිකරණයට ඉදිරිපත් කිරීමට අල්ලස් ඉල්ලීයැයි ගොනු කළ එම නඩුව ද්වේශ සහගත ලෙස ගොනු කර ඇතැයි අධිකරණයේදී කියැවිණි.
එලෙස නිදහස් කර අවුරුද්දකුත් මාස හතරකට පසු පසුගිය අගෝස්තු 19 වැනි දා එම චෝදනාවටම සුමින්ද සමන් නම් එම කොස්තාපල්වරයාට සහ කුමාර දුනුවිල නම් උප පොලිස් පරීක්ෂකට නැවත වරක් මහාධිකරණයේ නඩු පවරා තිබේ.
2014 මැයි 30 වැනි දා දොඩම්ගොඩදී පොලිස් කොස්තාපල්වරයාට පහර දී වාහනය ගිනි තබා තිබුණු අතර ඊට සම්බන්ධ සැකකරුවන් ද මෙතෙක් අත්අඩංගුවට ගෙන නැතැයි පොලිසිය කියයි. දිගින් දිගටම ආ බව කියන බලපෑම් නිසා ඔහු ඉල්ලා අස්වූ අතර 2015 අප්‍රේල් මාසයේ දී යළි ඔහුට රැකියාව ලැබිණි.
2025 ජුලි මස 28
183
0
දේශයේ රක්ෂකයා ශ‍්‍රී ලංකා ඉන්ෂුවරන්ස් ලයිෆ් (SLICLL) වසර ගණනාවක් පුරා රටේ අනාගත පරපුරේ අභිවෘද්ධියට විශාල වශයෙන් දායක වී ඇත. ශ‍්‍රී ලංකා ඉන්ෂුවරන්ස් ලයිෆ්
2025 ජුලි මස 24
333
0
මානසික සෞඛ්යය පිළිබඳව සහය සලසන මානසික සෞඛ්‍ය උපකාරක සේවා දුරකථන අංකය 1333 ගැන ජනතාව තුළ වැඩි දැනුවත් භාවයක් ඇති කිරීම වෙනුවෙන් ක්‍ක්‍ක්‍ පදනම (CCC Foundation) වි
2025 ජුලි මස 23
676
0
මාර්තු මාසයේ LEOS රියදුරු ලියාපදිංචිය සාර්ථකව දියත් කිරීමෙන් අනතුරුව, LEOS ආයතනය මෙම සතියේ LEOS කස්ටමෙර් app එක Android Play Store සහ Apple App Store යන දෙකෙහිම ලබා ගත හැකි පරිදි නිකු
නියෝජ්‍ය ඇමැතිට දඩ කොළ දුන් පීසීට තවත් නඩුවක්
පෙරේරා Friday, 21 October 2016 02:24 AM
සල්ලි තියනවා නම් කොස්තාපල් වෙයිද? කාර් ගත්තේ කොහොමද? (නි)
ඉමේෂ් Friday, 21 October 2016 02:39 AM
අර නෝනා අස්වුණ එක හොඳයිද මන්දා (නි)
සමන්ත Friday, 21 October 2016 02:49 AM
පෙරේරා, මොකද ලංකාවේ පොඩි රස්සාවක් කරන කෙනෙකුට කාර් එකක් ගන්න බැරිද? මෙයාගේ බිරිද ගේ රැකියාව, වෙනත් දේපල නිත්‍යානුකූල ආදායම් මෙයාලට තියෙන්නේ බැරිද? මෙතන වෙලා තියන අසාධාරණය ගැන කතා කරන්න. (නි)
කමල් Friday, 21 October 2016 02:50 AM
නීතියක් නැති දුෂිත දේශපාලනය පිරුණ රටකට කවදා හරියයිද (නි)
ප්‍රියාන් Friday, 21 October 2016 02:56 AM
මේ සම්බන්ධයෙන් නීතිය නවන්න බැරිද? (නි)
වෙදගේ Friday, 21 October 2016 03:10 AM
පිනෑන්ස් කරලා කාර් නම් ගන්න පුළුවන්. නිදහස් වුණ නඩුවට නැවතත් නඩු දමන්නේ ඇයි? (නි)
ගගන Friday, 21 October 2016 03:17 AM
පෙරේරා, ඔබට කාර් එකක් ගන්න බැරිවුණ පළියට හැම පී සී කෙනෙකුටම කාර් එකක් ගන්න බැරිවෙන්න හේතුවක් නැහැ. (නි)
රණවක Friday, 21 October 2016 03:27 AM
අවුරුදු 5ක්වත් හමුදාවේ නොහිටි කෙනෙකුට ටීවී චැනල් පවා තිබුන රටක් මේක (නි)
විශාඛා Friday, 21 October 2016 03:30 AM
පෙරේරාට නම් තවම කාර් එකක් ගන්න බැරිවෙලා ඇති (නි)
සජීව Friday, 21 October 2016 03:40 AM
පුදුමයක් නැහැ, මේ ඇමතිලා දැන් ඉන්න තැන් බැලුුවහම (නි)
පද්මිණි Friday, 21 October 2016 04:38 AM
අල්ල ගත කසිප්පු වලට අයිති කරුවෙක් නොමැති නිසා වෙන්දේසි කලබව කියා ඔබ නිදහස් වන්න. අනේ මෙහෙමත් රටක් . (ම)
වසන්ජය Sunday, 23 October 2016 09:07 PM
ඔය කියන දේශපාලක උන්නැහේලා මේ ආණ්ඩුවේත් ඇති (නි)
ඉන්දික Friday, 21 October 2016 05:32 AM
අපේ රටේ 90% ක් ම නඩු දාන්නේ තමන්ට සාධාරණය ඉටු කරගන්න නෙමෙයි. කාටහරි කරදර කරන්න, කාගේ හරි ඉඩමක්/පාරක් නඩුව අහනකම් හරි බලෙන් භුක්ති විදන්න, පලිගන්න වගේ දේවල් වලටයි.(ම)
රොක්සි Friday, 21 October 2016 08:19 AM
නොදන්නා නිසයි අහන්නේ. එකම චෝදනාව යටතේ දෙසැරයක් චෝදනා කරන්න පුලුවන්ද, මේ විදිහට? දැන් මේකෙන් නිදහස් වුණාමත් අායෙත් නඩු පවරයිනේ! (නි)
රොකී Friday, 21 October 2016 08:31 AM
උසාවියේ කාලය නාස්ති කිරීම සම්බන්ධයෙන්, අල්ලස් කොමිසමේ අදාළ නිලධාරින්ට සුදුසු දඬුවම් ලබා දියයුතුයි
අබය Thursday, 20 October 2016 11:23 PM
කොන්ද කෙළින් තබාගෙන රාජකාරිය කරන පොලිස් නිලධාරීන් හට ජනතාවගේ උත්තමාචාරය! බොරුවට නඩු වලට පටලවමින් ද්වේශසහගතව ක්‍රියාකරන දේශපාලුවන් හට මඩු වලිගයේ පිහිට ලැබේවා! (නි)
චාමර Friday, 21 October 2016 12:56 AM
මේ වගේ වැඩ හින්දයි ලංකාව 21 වෙනි සියවසේදිත් දියුණුවෙමින් පවතින රටක් වෙලා තියෙන්නේ. දඩ කොළ ලියන පොලිස් නිලධාරීන්ගේ පෞද්ගලික දත්ත ආරක්ෂා කරන ක්‍රමයක් නැද්ද? කොහොමද ආත්ම ගරුත්වය රැකගෙන රැකියාවක් කරන්නේ? (නි)
ජනහිත Friday, 21 October 2016 01:35 AM
හිතන්න බැහැ වෙනදේවල් මොනවද කියලා. අල්ලස් කොමිසමෙන් මම දන්නා තරමින් අල්ලස් දුන් කිසිවෙකුට නඩු පවරලා නැහැ. අල්ලස් ගැනීම වගේම අල්ලස් දීමත් වැරැද්දක් නේද? මුලින්ම කරන්න ඕනෑ අල්ලස් දෙන අයව අල්ලලා හිරේ දාන එකයි. එතකොට ඔය වැඩේ තරමකට හෝ නවතීවි. ඔය වැඩේ රටේ හැමතැනම තියන දෙයක්. නමුත් ඔය පරික්ෂාවට යන අයත් ඒ වැඩේ කළොත් කරන්න දෙයක් නැහැ (නි)