කොස්ලන්ද මීරියබැද්දේ 37 දෙනකු වසරකට පෙර පණ පිටින් වළලමින් සිදුවූ නාය යෑමේ සිද්ධියට බ්‍රහස්පතින්දා (29) වසරක් සපිරේ. එහෙත් අවතැන්වූ පවුල් 88 ක 321 දෙනෙක් තවමත් අවතැන් කඳවුරේ ගත කරති.

ඔවුන් වෙනුවෙන් නිවාස 75ක් ඉදි කිරීම ඉබි ගමනේ සිදුවෙතියි අවතැන්වූවෝ කියති.

මියගිය අයගේ සොයා ගැනුණේ සිරුරු 12ක් පමණි. ඔවුන් සියලු දෙනා වෙනුවෙන් සර්වාගමික වතාවත් බ්‍රහස්පතින්දා සිදුකරන බව ප්‍රාදේශීය ලේකම් වයි.කේ.ශිරෝමි ජීවමාලා මහත්මිය කියන්නීය.