මේ දිනවල ඔබට අසන්නට ලැබෙන ගීතයක් වන "අහිමි වන බව දැන දැනත් ඔබට මා පෙම් කළ බවත්" ගීතයේ ගායකයා වන ඔහු රසාංගද සිල්වාය. ඔහු එම ගීතය පිළිබඳව පැවැසුවේ මෙවැන්නකි.

"මම පසුගිය නොවැම්බර් මාසේ පළමු ගී නිර්මාණය සිදුකළා. පසුව දෙවැනි ගීතය  "හිතින් ප්‍රේම කරන කොල්ලෙක්" ගැන කියවෙන ගීතයක්. මම මෙම රූප රචනාවට නදීෂා හේමමාලි දායක කරගන්නේ මේ ගීතයට වඩාත් සුදුසු කෙනා නදීෂා හේමමාලි කියලා හිතපු නිසා.

නිසා මම ඇයව තෝරාගත්තා. කැලුම්  ශ්‍රීමාල්ගේ පද රචනයකට අනුව සහ ඔහුගේම සංගීතයෙන්  නිමැවුණ ගීතයක් කරන්න බලාපොරොත්තු වෙනවා. මම ව්‍යාපාරිකයෙක්. ගීත ගායනය විනෝදාංශයක් ලෙස මම සිදුකරනවා.

වසන්ත විජේකෝන්, නිශාන් සිරිවර්ධන, නදීශා හේමමාලි, ඩිලාන් ද සිල්වා, ප්‍රියන්ත නාවලගේ යන අය වගේම, මගේ ගීතය ගැන අදහස් ප්‍රකාශ කරන හැමදෙනාටම මම ස්තුතිවන්ත වෙනවා.

රංගන මධුසංඛ