(රන්ජන් කටුගම්පොළ සහ විමුක්ති එස් රුද්‍රිගු)

මැයි 9 වැනිදා ගෝඨා ගෝ ගම අරගල භූමියට පහර දීමේ සිද්ධිය සහ ජනාධිපති මන්දිරයේ තිබී කෝටියකට අධික මුදලක් සොයා ගැනීමේ සිද්ධිය සම්බන්ධයෙන් බස්නාහිර පළාත් භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා අත්අඩංගුවට ගැනීමට හෝ සැකකරුවෙකු ලෙස නම් කිරීම වළකාලන තහනම් නියෝගය පිළිබඳ තීන්දුවට එරෙහි අභියාචනය පිළිබඳ මූලික විරෝධතා සම්බන්ධ නියෝගය පසුවට ප්‍රකාශයට පත්කරන බව ශ්‍රේෂ්ඨාධිකරණය දැනුම් දුන්නේ ය.

මෙම තීන්දුවට එරෙහිව අතෘප්තියට පත් පාර්ශ්වය වෙනුවෙන් මෙම අභියාචන පෙත්සම ගොනුකර තිබිණි.මෙම අභියාචනයට එරෙහිව විරෝධතා ලිඛිතව ගොනු කරන බවද වග උත්තරකාර පාර්ශ්වය දැනුම් දුන්නේය.

මෙම අභියාචන පෙත්සම අගවිනිසුරු ජයන්ත ජයසූරිය, ඒ.එච්.එම් නවාස් සහ අචල වෙන්ගප්පුලි මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ සලකා බැලිණි.