අද ඔබට සාරවිටෙන් ගෙන එන්නේද ගුවන් විදුලි නාළිකාවල නෑසෙන තවත් නැවුම් ගීයක්. ඒ තමයි කරුණාරත්න දිවුල්ගනේ ගායනා කරන සඳ මඬල ගීතය.අපි ඒ පිළිබඳව එහි ගේය පද රචකයාගෙන්ම අසා සිටියෙමු.

"මේ ගීතය ගායනා කරන්නෙ කරුණාරත්න දිවුල්ගනේ නම් වූ ප්‍රවීණ ගායන ශිල්පියායි.මේ ගීතය පිළිබඳ ප්‍රසාදය පළකරමින් මා දිරිගැන්වූ කිවිවර රත්න ශ්‍රී විජේසිංහ,කථිකාචාර්ය අත්තනායක එම් හේරත්,සුනිල් ආර් ගමගේ යන ජ්‍යෙෂ්ඨයන් ද සිහිපත් කළ යුතුයි.ප්‍රේමය තරම් අප හදවත් තුළ ලැගුම් ගන්නා මෙන්ම ඒ හදවතේ සියුම් නහර කොනිති ගසනා තවත් යමක් නැතැයි මට සිතෙනවා.විටක සතුටද, විටෙක වේදනාවන් අතරද මතකයන් ගලායන්නට ඉඩදී ප්‍රේමය අදටත් නිසලවම මේ හෘද සන්තානයේ ලැගුම්ගෙන ඉන්නා වග මට දැනෙනවා"මේ බණ්ඩාර බෙලිකැටිමුල්ල දැක්වූ අදහස්ය
 

සඳ මඩල නුඹට දෙන්නම්
පිනි කඳුළු මම ම ගන්නම්
ප්‍රේමයේ වරද කළ
ඒ දුකත් මම ම ගන්නම්
හිනැහෙන්න නුඹට හැකිනම්

එක දිනක් නෑර දවසක්
සෙනෙහසේ අරුත සෙව්වත්
මට ලියාගන්න බැරි වුණ
නුඹ මහද මියුරු කවියක්

නුඹ නැතිව ගෙවුණු දවසක්
මට මහා දිගම නපුරක්
ජීවිතේ පුදුම ගමනක්
ප්‍රේමයත් ගැඹුරු රිදුමක් //

ගායනය : කරුණාරත්න දිවුල්ගනේ
පද: බණ්ඩාර බෙලිකැටිමුල්ල
සංගීතය : දර්ශන වික්‍රමතුංග