(නිමන්ති රණසිංහ)

මහා පරිමාණ මූල්‍ය වංචාවකට අදාළව රක්ෂිත බන්ධනාගාර ගතකර සිටින තිළිණි ප්‍රියමාලි යන අයගෙන් වැඩි දුරටත් ප්‍රකාශ ලබා ගැනීම සඳහා අපරාධ පරීක්ෂණ දෙපාර්තමේන්තුව කොළඹ රිමාන්ඩ් බන්ධනාගාරයයේ කාන්තා අංශයට ගොස් ඇතැයි බන්ධනාගාර දෙපාර්තමේන්තුව පවසයි.

කොළඹ කොටුව මහේස්ත්‍රාත් අධිකරණයෙන් ලබාගත් නියෝග ප්‍රකාරව අපරාධ පරීක්ෂණ දෙපාර්තමේන්තුවේ නිලධාරීන් පෙරේදා (07) පෙරවරු 10:30 සිට එදින පස්වරු 2:30 අතර කාලයේදී පැය පහකට ආසන්න කාලයක් එම ප්‍රකාශ සටහන් කරගත් බව බන්ධනාගාර මාධ්‍ය ප්‍රකාශක චන්දන ඒකනායක මහතා පැවසීය.

මෙම සිද්ධියට අදාළව ම රක්ෂිත බන්ධනාගාර ගතකර සිටින ක්‍රිශ් සමූහ ව්‍යාපාරයේ අධ්‍යක්ෂිකා ජානකී සිරිවර්ධන යන අය කොළඹ රිමාන්ඩ් රිමාන්ඞ් බන්ධනාගාරයේ සිට මීගමුව රිමාන්ඩ් බන්ධනාගාරය වෙත මාරු කර යැවූ බව ද බන්ධනාගාර මාධ්‍ය ප්‍රකාශකවරයා සඳහන් කළේය.

සැකකාර තිළිණි ප්‍රියමාලි සමග ගනුදෙනු කිරීම සම්බන්ධයෙන් රංගන ශිල්පිනී සංගීතා වීරරත්න මහත්මියගෙන් ද අපරාධ පරීක්ෂණ දෙපාර්තමේන්තුව පෙරේදා 7 පැය හතරක කාලයක් ප්‍රශ්න කරමින් ප්‍රකාශ සටහන් කර ගත් බව එම දෙපාර්තමේන්තුවේ උසස් නිලධාරියකු පැවසීය.

මෙම ප්‍රකාශ සටහන් කරගැනීම සඳහා අවස්ථා කිහිපයකදී ඇයට පැමිණෙන ලෙසට දැනුම් දුන්නද,  ඇය  නොපැමිණි බවත් පසුව පෙරේදා (07) පැමිණි ඇයගෙන් පරීක්ෂණ වලදී මතු වූ වීඩියෝ දර්ශන පෙන්වා ප්‍රශ්න කිරීමේදී ඇය නිරුත්තර වූ බවත් එම උසස් නිලධාරියා සඳහන් කළේය.

මෙම සිද්ධිය සම්බන්ධයෙන් සංගීතා වීරරත්න මහත්මියගෙන් තවදුරටත් ප්‍රශ්න කිරීමට අවශ්‍ය වුවහොත් ඉදිරියේදී වූවොත් ඉදිරියේ දී නැවත කැඳවීමක් කරන බවද එම නිලධාරියා වැඩිදුරටත් පැවසීය.

තිළිණි සම්බන්ධයෙන් උඹ වන පරීක්ෂණ වලට අදාළව රංගන ශිල්පිනී සේමිනී ඉද්දමල්ගොඩ මහත්මිය ගෙන් පැය 4ක ප්‍රකාශයක් ද, රංගන ශිල්පී හිටපු අමාත්‍ය ජීවන් කුමාරතුංග මහතා ගෙන් පැය පහක ප්‍රකාශයක් ද ප්‍රකාශයක් ද අපරාධ පරීක්ෂණ දෙපාර්තමේන්තුව ලබාගෙන ඇත.

මේ සම්බන්ධයෙන් තවත් නවක නිළියකගෙන් ද අපරාධ පරීක්ෂණ දෙපාර්තමේන්තුව ප්‍රකාශ සටහන් කර ගැනීමට අවශ්‍යව ඇති බව ද සඳහන් කර ඇතැයි  වාර්තා වේ.