තහනම් උත්තේජක පාවිච්චි කිරීමේ චෝදනාවට වැරැදිකරුවන් වන මෙරට කී‍්‍රඩක කී‍්‍රඩිකාවන් හා ඔවුන්ගේ පුහුණුකරුවන්ට එරෙහිව දැඩි දඬුවම් පැමිණවීමට නීතිපතිවරයාගේ අනුමැතිය ලැබී ඇතැයි කී‍්‍රඩා ඇමැති මහින්දානන්ද අලූත්ගමගේ මහතා පවසයි. කොළඹදී ඊයේ (21) පැවැති මාධ්‍ය හමුවකදී ඇමැතිවරයා පැවැසුවේ මින් ඉදිරියට තහනම් උත්තේජක පාවිච්චි කිරීමේ චෝදනාවලට වැරැදිකරුවන් වන කී‍්‍රඩක කී‍්‍රඩිකාවන්ට ජීවිතාන්තය තෙක් තරග තහනමක් පනවන අතර ඔවුන්ගේ පුහුණුකරුවන්ටද ජීවිතාන්තය තෙක් තහනමක් පැනවීමට කී‍්‍රඩා අමාත්‍යංශය තීරණය කර තිබෙන බවයි. එහිදී වැරැුදිකරුවන් වන කී‍්‍රඩක කී‍්‍රඩිකාවන්ට තහනම් උත්තේජක හා ඒවා අඩංගුවන ඖෂධ නිකුත් කර හසුවන වෛද්‍යවරුන්ටද වසර දෙකක තහනමක් පැනවීමටද කී‍්‍රඩා අමාත්‍යංශය නීතිපතිවරයාගෙන් ලබාගත් උපදෙස් අනුව ඉදිරියේදී කටයුතු කරන බවයි. ඇමැතිවරයා වැඩි දුරටත් පැවැසුවේ තමා කී‍්‍රඩා අමාත්‍ය ධුරයට පත්වීමෙන් පසු තහනම් උත්තේජක චෝදනා ලැබූ මෙරට කී‍්‍රඩක කී‍්‍රඩිකාවන් 13 දෙනකු මේ වනවිට හඳුනා ගෙන තිබෙන බවයි. මේ වනවිට මෙරට කී‍්‍රඩක කී‍්‍රඩිකාවන් 23 දෙනකු තහනම් උත්තේජක චෝදනාවලට හසුව ඇති බව කී‍්‍රඩා අමාත්‍යංශයට වාර්තාවී ඇති බවත් ඇමැති මහින්දානන්ද අලූත්ගමගේ මහතා මාධ්‍ය හමුවේදී වැඩිදුරටත් පැවැසීය.