(සුජිත් හේවාජුලිගේ)

මදුරු කීපයන් බෝ වන සේ පරිශ්‍ර පවත්වාගෙන ගිය පාසල් 185ක් සහ රාජ්‍ය ආයතන 221  සොයාගෙන ඇතැයි ජාතික ඩෙංගු මර්දන ඒකකය පවසයි.

ඩෙංගු මදුරු කීටයන් සිටි පාසල් 35ක් සහ ඩෙංගු මදුරුවන් සිටි රාජ්‍ය ආයතන හතළිස් එකක්ද සොයාගත් බව එම ඒකකයේ ප්‍රජා වෛද්‍ය විශේෂඥ ප්‍රශිලා සමරවීර මහත්මිය පැවසුවාය.

ඩෙංගු මර්දන සතියේ පස්වැනි දිනයේ ප්‍රතිඵල නිවේදනය කරමින් ඇය මෙසේ කීවාය.

මේ කාලයේදී රට පුරා විවිධ පරිශ්‍ර එක් ලක්ෂ 111031ක් පරීක්ෂාවට ලක් කර ඇත. ඩෙංගු කීටයන් බෝවිය හැකි සේ පවත්වාගෙන ගිය පරිශ්‍ර 26625ක් මෙහිදී හඳුනාගෙන ඇති බව ඩෙංගු මර්දන ඒකකය පවසයි. මදුරු කීටයන් සිටි ස්ථාන 3357ක්ද මෙහිදී සොයාගෙන ඇත.

ඩෙංගු පැතිරවීම සම්බන්ධයෙන්  පරිශ්‍ර 73ක හිමිකරුවන්ට එරෙහිව  නීතිමය කටයුතු කර ඇතැයි සමරවීර මහත්මිය පැවසුවාය.