ජනතා විමුක්ති පෙරමුණේ 07 වැනි ජාතික  මහා සමුළුව  කොළඹ  සුගතදාස ගෘහස්ත ක්‍රිඩාංගණයේදී  අද පැවැත්විණි.

 පක්ෂ නායක සෝමවංශ අමරසිංහ මහතාගේ ප්‍රධානත්වයෙන්  මෙය පැවැති අතර රට පුරා පක්ෂය නියෝජනය කරමින්  දහස් සංඛ්‍යාත  පාක්ෂිකයෝ  ඊට එක්ව සිටියහ.

ශ්‍රී ලංකාවේ කියුබා තානාපතිනිය හා පලස්තීන  තානාපතිවරයාද  එම අවස්ථාවට එක්වෙමින්  සමුළුවට සුභ පැතුම් එක් කළහ.

පක්ෂ නායකත්වයේ වෙනසක් සිදු කෙරෙන බවට මාධ්‍ය  මගින් විවිධ හෙළි දරව්  කළද විප්ලවවාදීන් කිසි දිනෙක විශ්‍රාම  නොගන්වන ලෙසත්  එහෙත් ජනතා විමුක්ති පෙරමුණ  අතීතයේ මෙන්ම අනාගතයේත්  විවිධ වෙනස්වීම් සමග ජයග්‍රහණ කැර ඉදිරියට ගමන් කරන බව  සෝමවංශ අමරසිංහ මහතා පැවසීය.

සමුළුවේ පළමු සැසිය උදෑසන පැවැත්වු අතර  නායකත්වය තෝරා ගැනෙන දෙවැනි සැසිය අද පස්වරුවේ පැවැත්වේ.