ජයවර්ධනපුර විශ්වවිද්‍යාලයේ  සුමංගල ශාලාවේ  වහලයට උඩින් ඊයේ පෙරෙයිදා  දුම්පිට වෙනු දුටු හුඟදෙනෙකුට පුදුමයක් දැනී තිබුණි.

එක වෙලාවකට ඒ දුම් වලින් කැවුම් බැදෙන සුවඳ දැනෙද්දි තවත් වෙලාවක වන්ඩු තැමිබෙන සුවඳක් දැනෙන්නට විය 

ඒත් සමඟ තවත් මොහොතකින් උළුඳු වඩේ තෙලෙන් බැදෙන සුවඳත් දුම් දමන තෝසේ වළින් හමන සුවඳක් ද  දැනුණේය

 

අලකාර ගැමි පරිසර ආකෘතියක් සැකසූ සුමංගල ශාලාවේ පුංචි මංගල්‍යයකි

අළංකාර දේශිය ඇඳුමින් සැරසී ඔබ මොබ යන තරැණ සිසුසිසුවියෝය

ඇතැමුන් එක්ව තැනක කැවුම් පිසිති තවත් තැනක වෙල්ල වැහුම් පිළියෙළ කරති තවත් තැනක වෙනස් කෑම පිසිති ඒ මුස්ලිම් තරැණියෝ පිරිසකි. තවත් තැනක වඩේ බදිමින් දෙමළ තරැණියෝ පිරිසක් සිටිති

සර්ව ජාතින් නියෝජනය කරමින්  මෙසේ සුදානම් වී තිබුණේ ඔවුන්ගේ ජාතික සංහිඳියාව පිළිඹිඹු කරන ව්‍යාපෘතියයි

විශ්ව විද්‍යාල උපකුලපති  ආචාර්ය එන්. එල්. කරුණාරත්න මහතාගේ ප්‍රධානත්වයෙන් ආරම්භ කළ මෙම වැඩසටහනින් සත්කෝරළයම නියෝජනය  කරමින් ප්‍රදේශවලට අවේණික ආහාර සියළු ප්‍රඡාවට බෙදා ගැනීම අරමුණ වීය  

ප්‍රවිණ සූපවේදි පබිලිස් සිල්වා ,ජනශ්‍රැති පර්යේෂක මහින්ද කුමාර දළුපොත  වෛද්‍ය ඩැනිස්ටර් පෙරේරා සම්පත් දායකයෝ වූහ