එක්සත් ජාතින්ගේ සංවිධානයේ 70 වන මහා මණ්ඩල සැසිවාරයට සහභාගීවීම සඳහා අමෙරිකාවේ නිව්යෝර්ක් නුවර බලා ගිය ජනාධිපති මෛත්‍රීපාල සිරිසේන මහතා අද  සවස 4.05 ට කටුනායක බණ්ඩාරණායක ජාත්‍යන්තර ගුවන්තොටුපොළෙන්  දිවයිනට පැමිණියේ ය.

ජනාධිපතිවරයා රැගත්  එමිරේට්ස් ගුවන්සේවයට අයත් ඊ.කේ 654 දරණ  ගුවන් යානය  ගුවන් තොටුපොළ විශේෂ අමුත්තන්ගේ පර්යන්තයට  පැමිණි මොහොතේ ඔහු පිළි ගැනීමට පැමිණි ජනතාව ප්‍රීති ඝෝෂා නැගූහ.

ජනාධිපතිවරයා පිළිගැනීමට  හත්දහසකට ආසන්න ජනතාවක්  කටුනායක නයිකන්දේ සහ  ගුවන්තොටුපොළ  විශේෂ අමුත්තන්ගේ පර්යන්තය පාර දෙපසට පැමිණ සිටියහ.

සිනහමුසු මුහුණින් ගුවන් යානයෙන් බිමට බට ජනපති මෛත්‍රීපාල සිරිසේන මහතා ඔහු පිළිගැනීමට පැමිණි මැති ඇමතිවරුන්ට ආචාර කිරීමෙන් අනතුරුව ජනතාවට අතරට ගියේය.

එහිදී පැමිණි පිරිස් රට යුධ අපරාධ චෝදනාවලින් ගලවා ගැනීම පිළිබඳව ස්තුතිය ජනාධිපතිවරයට  පුද කරමින් ප්‍රීතා ඝෝෂා කළහ.

මෙම අවස්ථාවට  චම්පික රණවක, අර්ජුන රණතුංග,  එස්.බී දිසානායක, ලසන්ත අලගියවන්න, තිලංග සුමතිපාල ඇතුළු  මැති ඇමතිවරුන් රැසක් පැමිණ සිටියහ.
 1 2 3 4 6 7 8 9 10 DSCF6328 DSCF6339 DSCF6360