අයි. පී. එල්. තරගාවලියේ 70 වැනි තරගය ලෙස බැංගලෝර් රෝයල් චැලෙන්ජර්ස් පිල සහ චෙන්නායි සුපර් කිංග්ස් පිල අතර අද (18 වැනිදා) පැවති තරගයේදී චෙන්නායි සුපර් කිංග්ස් පිල පරදවා ලකුණු 24 ක ජයක් ලබගැනීමට බැංගලෝර් රෝයල් චැලෙන්ජර්ස් පිල සමත්විය.

තරගයේ වීරයා බවට පත්වූ විරාට් කෝලි පන්දු 29 කින් නොදැවී ලකුණු 56 ක් රැස්කළේ හයේ පහර 4 ක් සහ හතරේ පහර 6 ක් සමගිනි.

කි‍්‍රස් ගේල් (28) සමග එක්වූ කෝලි බැංගලෝර් පිලේ පළමු කඩුල්ල වෙනුවෙන් පන්දු 32 කදී ලකුණු 67 ක සම්බන්ධතාවයක් ගොඩනැගීමට සමත්විය.

සාහිර් ඛාන්  ඕවර 4 ක් යවා ලකුණු 17 කට චෙන්නායි පිලේ ප‍්‍රභල කී‍්‍රඩකයන් සිව් දෙනෙක් (මයිකල් හසී, සුරේශ් රයිනා, මහේන්ද්‍ර සිං දෝනි, රවින්ද්‍ර ජඬේජා) දවාගනිමින් තම පිලේ ජය තහවුරු කළේය.

වර්ෂාව හේතුවෙන් මෙම තරගය  ඕවර 8 කට සීමාකර තිබිණ.

බැංගලෝර් රෝයල් චැලෙන්ජර්ස් පිල  ඕවර 8 කදී කඩුලූ 4 ට 106
(විරාට් කෝලි නොදැවී 56, කි‍්‍රස් ගේල් 28, මොයිසස් හෙන්රික්ස් 12) 

චෙන්නායි සුපර් කිංග්ස් පිල  ඕවර 8 කදී කඩුලූ 6 ට 82
(මුරලි විජේ 32, ඞ්වේන් බ‍්‍රාවෝ 11, මහේන්ද්‍ර සිං දෝනි 24, සාහිර් ඛාන් 17/2)

(*)