කොළඹ ග්‍රෑන්ඩ්පාස්  පෙදෙසේ මුස්ලිම් ආගමික පල්ලියක් මුල් කරගෙන සිදු වූ  අර්බුදය පිළිබදව යුක්ති සහගත විසදුමකට එළඹීමට හැකි වී යැයි අමාත්‍ය පාඨලී චම්පික මහතා පැවසීය.

ඒ සම්බන්ධයෙන් බුද්ධ ශාසන හා ආගමික කටයුතු අමාත්‍යංශයේ අද පෙරවරුවේ පැවැති සාකච්ඡාවෙන් පසුව මාධ්‍යයට කරුණු දක්වමින් අමාත්‍යවරයා මේ බව කීය.

ඒ අනුව මුස්ලිම් ජනතාව කලින් වන්දනාමාන කරගනිමින් තිබු පැරණි දේවස්ථානය නැවත ඒ අයට ආපසු දීමටත් දැනට එහි වන්දනාමානයට තුඩුව පවතින බෝ රුක්ෂය ඉවත් කර ගැනීමටත් තීරණය කළ බවද කීය.

ඊට අමතරව පල්ලියේ ඉඩම සම්බන්ධයෙන් නාගරික සංවර්ධන අධිකාරිය පනවා තිබූ නියෝගය ඉවත්කර ගැනීමටත් තීරණය කළ බවද ඇමතිවරයා කීය.

මෙම සාතච්ඡාවට ප්‍රදේශයේ  මහා සංඝරත්නයද, මුස්ලිම් පූජක වරුද, රජයේ සහ විපක්ෂයේ දේශපාලඥයෝද සහභාගී වූහ.