ගැමුණු සුව වී ⁣’’ගෙදර’’ යයි

(අංජුල මහික වීරරත්න)

බඳින තුවක්කුවක වෙඩිල්ලක් වැදී පාදයකට වූ තුවාල නිසා වනජීවී නිලධාරින් හා වෛද්‍යවරුන්ගෙන් ප්‍රතිකාර ලබමින් සිටි යාල වනෝද්‍යානයේ විසේකාරයා ලෙස හඳුන්වන ගැමුණු හස්තියා සුව අතට හැරී උන් තැනින් නැගිට වනයට ගොස් ඇතැයි වන ජීවී අමාත්‍යාංශය පවසයි.

වනජීවී අමාත්‍ය මහින්ද අමරවීර මහතා අද  (26) පෙරවරුවේ යාල වනෝද්‍යානයේ ගැමුණුට වෙඩි වැදී සිටි ස්ථානයට ගිය ද ගැමුණු වනාන්තරයට ගොස් ඇති බව නිරීක්ෂණය විය.

ගැමුණුගේ දකුණු පාදයට තුවාල සිදුවී තිබූු අතර ගැමුණුට ප්‍රතිකාර කිරීම  සඳහා කොළඹ සිට විශේෂඥ වෛද්‍යවරියක් වන ගංගා විජේසිංහ මහත්මිය  ද යාලට පිටත් කර හැරීමට වනජීවි හා වන සම්පත් සංරක්ෂණ අමාත්‍ය මහින්ද අමරවීර මහතාගේ උපදෙස් පරිදි පියවර ගත්තේය.