(යොහාන් භාසුර)

ස්ත්‍රී දූෂණ චෝදනාවකට ඕස්ට්‍රේලියාවේ රක්‍ෂිත බන්ධනාගාරගත කර සිටි ධනුෂ්ක ගුණතිලක සම්බන්ධයෙන් පරීක්‍ෂණයක් පැවැත්වීමට විශ්‍රාමික මහාධිකරණ විනිසුරු සිසිර රත්නායක මහතාගේ සභාපතිත්වයෙන් යුත් ත්‍රිපුද්ගල කමිටුවක් පත්කර ඇතැයි ශ්‍රී ලංකා ක්‍රිකට් ආයතනයේ ලේකම් මොහාන් ද සිල්වා මහතා පැවසීය.

නීතිඥාවරුන් වන නිරෝෂණ පෙරේරා සහ අසේල රැකව යන මහත්වරු එම කමිටුවේ සෙසු සාමාජිකයන් බවත් මෙම සිද්ධිය පිළිබඳ ශ්‍රී ලංකා කණ්ඩායමේ කළමනාකරු සහ ක්‍රීඩකයන්ගෙන් ප්‍රකාශ ලබාගැනීමට නියමිත බවත් මොහාන් මහතා කීය.

මෙම සිද්ධිය සම්බන්ධව කණ්ඩායමේ නිලධාරීන් ඇතුළු ඕනෑම පුද්ගලයෙක් වගකීම පැහැරහැර තිබේ නම් ඔවුන්ට එරෙහිව නීතිය ක්‍රියාකත්මක කරන බව ද ශ්‍රී ලංකා ක්‍රිකට් ආයතනයේ ලේකම් මොහාන් ද සිල්වා මහතා වැඩි දුරටත් සඳහන් කළේය.