පසුගිය වසර 10ක කාලය තුළදී ජනප්‍රිය 'ගූගල්' වෙබ් අඩවිය තුළින් වැඩිපුරම තොරතුරු සොයා ඇත්තේ බොලිවුඩයේ සුපිරි සිනමා නළු සල්මාන් ඛාන් බව සඳහන් වේ.

පසුගිය වසරේ ඔහුගේ චිත්‍රපට, පෞද්ගලික ජීවිතේ තොරතුරු මෙන්ම ඔහු මුහුණ දුන් අමතක නොවන සිදුවීම් පිළිබඳව මෙහිදී වැඩි පිරිසක් 'ගූගල්' වෙබ් අඩවිය හරහා සොයා ගෙන තිබේ.

බොලිවුඩ් සිනමා නළුවෙකු ලෙස සල්මාන් ඛාන් පිළිබඳව වැඩිපුර සොයද්දී, බොලිවුඩ් සිනමා නිළියක ලෙස වැඩි දෙනෙකු සොයා ඇත්තේ නිල් චිත්‍රපට නිළියක් වී සිටින සනී ලියෝන්ය. ඇය බොලිවුඩ් සිනමාවට සම්බන්ධ වීමත්, ඇය බොලිවුඩයේ රඟපෑ චිත්‍රපට පිළිබඳවත් 'ගූගල්' වෙබ් අඩවිය තුළින් බොහෝ පිරිස් සොයා තිබේ.

පසුගිය වසර 10 තුළදී වැඩිම අන්තර්ජාල පාඨක පිරිසක් 'ගූගල්' තුළින් සොයා ඇත්තේ රාජ්කුමාර්ගේ 'පීකේ' බොලිවුඩ් චිත්‍රපටය පිළිබඳවය. පසුගිය වසර 10 'ගූගල්' තුළින් බොහෝ දෙනෙකු සොයා ඇති බොලිවුඩ් සිනමා අධ්‍යක්ෂකවරයා වී ඇත්තේ ප්‍රභූදේවාය. පොප් ගායක හනී සිං පිළිබඳව බොහෝ පිරිසක් පසුගිය දශකය තුළදී 'ගූගල්' වෙබ් අඩවිය තුළින් සොයා තිබේ.