කොළඹ මහ නගර සභාව ඇතුළු පළාත් ආයතන කීපයක් සඳහා රාජගිරියේ පිහිටි මැතිවරණ කාර්යාලයේදී අද ප‍්‍රධාන පක්ෂද ස්වාධීන කණ්ඩායම්ද නාම යෝජනා බාරදුන්නේය. එක්සත් ජනතා නිදහස් සන්ධානය වෙනුවෙන් එහි ලේකම්, අමාත්‍ය සුසිල් පේ‍්‍රමජයන්ත, පාර්ලිමේන්තු මන්තී‍්‍ර තිලංග සුමතිපාල මහත්වරුද එක්සත් ජාතික පක්ෂයෙන් එහි මහලේකම් තිස්ස අත්තනායක, පාර්ලිමේන්තු මන්තී‍්‍ර රවී කරුණානායක මහත්වරුද ජනතා විමුක්ති පෙරමුණෙන් පාර්ලිමේන්තු මන්තී‍්‍ර සුනිල් හඳුන්නෙත්ති ඇතුළු පිරිසක් එහි වූහ. කොළඹ මහ නගර සභාවේ ප‍්‍රධාන පක්ෂවල පුරපති අපේක්ෂකයන් වන මිලින්ද මොරගොඩ, ඒ. ජේ. එම්. මුසම්මිල්, මනෝ ගනේෂන් යන මහත්වරුද මෙම අවස්ථාවට එක්වූහ. සන්ධාන කොළඹ පුරපති අපේක්ෂක මිලින්ද මොරගොඩ හා එ.ජා.ප. අපේක්ෂක ඒ. ජේ. එම්. මුසම්මිල්. වික‍්‍රමබාහු කරුණාරත්න සහ මනෝ ගනේෂන් ජ.වි.පෙ. පාර්ලිමේන්තු මන්තී‍්‍ර සුනිල් හඳුන්නෙත්ති සුනේත‍්‍රා රණසිංහ ඇතුළු පිරිස පාර්ලිමේන්තු මන්තී‍්‍ර රෝසි සේනානායක දොරටුවේ හිරවේ. ස්වාධීන අපේක්ෂක සමන් අබේගුණවර්ධන ලිමොසින් රථයකින් එයි. බත්තරමුල්ලේ සීලරතන හිමි. උද්යෝගය උතුරයි.